УИХ-ын гишүүн Н.Номтойбаярыг чөлөөлөхийг байнгын хороо дэмжлээ

mpa.mn

УИХ-ын гишүүн Н.Номтойбаяр өөрийн хүсэлтээр чөлөөлөгдөх өргөдлөө УИХ-ын дарга Г.Занданшатарт хүргүүлсэн. Энэ дагуу УИХ-ын даргын зөвлөл хуралдаж, уг асуудлыг Төрийн байгуулалтын байнгын хороогоор хэлэлцүүлэхээр болсон. 

Төрийн байгуулалтын байнгын хорооны хуралдаанаар УИХ-ын гишүүн Н.Номтойбаярын чөлөөлөгдөх хүсэлтийг хэлэлцэн, дэмжсэн байна. 

Ийнхүү Төрийн байгуулалтын байнгын хороо дэмжсэнээр уг асуудлыг чуулганы хуралдаанд УИХ-ын гишүүн Д.Тогтохсүрэн танилцуулахаар боллоо. УИХ-ын гишүүн Н.Номтойбаярын чөлөөлөгдөх хүсэлтийг чуулганы өнөөдрийн хуралдаанаар эцэслэн шийдэх юм байна.