Сүхбаатар дүүргийн Эрүүгийн хэргийн анхан шатны шүүхэд шүүгдэгч Х.Түвшин-Эрдэнэ нарт холбогдох шүүх хурал өчигдөр болж шийдвэрээ гаргажээ.
Шүүхээс Х.Түвшин-Эрдэнэд 2002 оны Эрүүгийн хуулийн тусгай ангийн 256 дугаар зүйлийн 256.1 /Хүч хэрэглэх, эд хөрөнгийг нь устгахаар заналхийлэх, шан харамж өгөх зэргээр гэрч, хохирогчоор худал мэдүүлэг өгүүлсэн, шинжээчээр худал дүгнэлт гаргуулсан, орчуулагчаар худал орчуулуулсан, хэлмэрчээр худал хэлмэрчлүүлсэн бол /-дэх хэсэгт зааснаар 1 жилийн хугацаагаар хорих ял оноосон байна.
Хэргийн тухайд сануулахад, ШШҮХ-гийн тусгай шинжилгээний газрын дарга Х.Түвшин-Эрдэнэ, ахлах шинжээч Ж.Оюунаа, шинжээч Н.Золжаргал нарыг УИХ-ын гишүүн асан Д.Гантулгад холбогдох хэрэгт хуурамч дүгнэлт гаргасан хэмээн эрүүгийн хэрэгт татсан билээ.