УИХ-аар сонгуулийн тухай хуулийн төслийг хэлэлцэж эхэлсэнтэй холбогдуулан өнөөдөр МАН-ын бүлэг тус асуудлаар хуралдсан юм.
Хаалттай горимд шилжсэн МАН-ын бүлгийн хурлаар гишүүд шийдэлд хүрч чадаагүй бололтой.
Учир нь яг одоо төрийн ордонд МАН-ын Удирдах зөвлөл хаалттай хуралдаж байна. Ерөнхий сайд, МАН-ын дарга У.Хүрэлсүхийн өрөөнд МАН-ын Удирдах зөвлөл УИХ-ын сонгуулийн тухай хуулийн төслийг хэлэлцэж байгаа ажээ.
УИХ-ын сонгуулийн хуулийн төсөлд сонгуулийн тогтолцоог 50:26 буюу 50 жижиг, 26 нэр дэвшигчид нэг том тойргоор явуулах хувилбар бүхий төслийг УИХ-д өргөн бариад байгаа билээ.