Монгол Улсын нийгэм, эдийн засгийн арваннэгдүгээр сарын байдлыг Үндэсний статистикийн хорооноос өнөөдөр танилцууллаа.
Танилцуулгын үеэр энэ оны гуравдугаар улирлын байдлаар Улаанбаатар хотод ажиллагчдын сарын дундаж цалин 1.3 сая төгрөг байгаа нь улсын дунджаас 117.9 (10.1%) мянган төгрөгөөр их байгааг Үндэсний статистикийн газрын статистикч Н.Өлзийханд онцоллоо.
Статистикаас харвал ажиллагчдын сарын дундаж цалинг бүсээр авч үзвэл:
График 1. ААНБ-ын ажиллагчдын сарын дундаж цалин, бүсээр, 2019 оны 3 дугаар улирлын байдлаар, мянган төгрөгөөр
Нийгмийн даатгалын ерөнхий газрын нийгмийн даатгалын шимтгэл төлөлтийн тайланд 2019 оны гуравдугаар улиралд нийт 41.9 мянган аж ахуйн нэгж, байгууллага(ААНБ)-ын 685.4 мянган ажиллагчид хамрагджээ.
Шимтгэл төлж буй ААНБ-ын тоо өмнөх оны мөн үеэс 1.9 (4.6%) мянгаар, өмнөх улирлаас 47 (0.1%)-гоор өссөн бол ажиллагчид өмнөх оны мөн үеэс 34.3 (5.3%) мянгаар, өмнөх улирлаас 9.4 (1.4%) мянгаар тус тус нэмэгдсэн болохыг ч мөн хэлэв.
График 2. ААНБ-ын ажиллагчид, цалин хөлсний бүлгээр, дүнд эзлэх хувиар, 2019 оны 3 дугаар улирлын байдлаар
Харин нийгмийн даатгалын шимтгэл төлөлтийн тайланд хамрагдсан 685.4 мянган ажиллагчдын
Түүнчлэн ажиллагчдын сарын дундаж цалинг эдийн засгийн бүх төрлийн үйл ажиллагааны салбарын ангиллаар авч үзэхэд уул уурхай, олборлолтын салбарт ажиллагчдынх хамгийн их буюу 2.7 сая төгрөгийн цалинтай байгаа нь статистик мэдээллээр гарчээ.
Харин зочид буудал, байр, орон сууц болон нийтийн хоолны үйлчилгээний салбарынх хамгийн бага буюу 747.9 мянган төгрөгийн цалинтай байгаа аж.
Нэмж сонирхуулахад, нийгмийн даатгалын шимтгэл төлөлтийн тайланд хамрагдсан нийт даатгуулагчдыг салбараар нь харвал боловсролын салбарынхан хамгийн их буюу 15.2 хувийг нь эзэлж байна.