2020/05/25
Америк доллар
МОНГОЛ БАНК:
2,801.20₮
B30
УЛААНБААТАР
18°
|
B30
УЛААНБААТАР
21°
|
B30
УЛААНБААТАР
25°
|
05:00
S26
06:00
S26
07:00
S30
08:00
S30
09:00
S30
11°
10:00
S30
13°
11:00
S30
14°
12:00
S30
15°
13:00
S30
15°
14:00
S30
17°
15:00
S30
18°
16:00
S26
18°
Энэ мэдээ хуучирсан буюу 2019/11/07 -нд нийтлэгдсэн мэдээ болно.

Твиттер компанийн ажилтнууд Саудын Арабын талд тагнуул хийсэн шалтгаанаар ял сонсжээ

Р.Төмөр, ikon.mn
2019 оны 11 сарын 7
iKon.MN
Зураг
Image: Getty Images

Твиттер компанид ажиллаж байхдаа Саудын Арабын засгийн газарт нууцаар үйлчилж байсан хоёр хүнд ял оноосон тухай АНУ-ын хууль зүйн яам өчигдөр мэдээлжээ.

Тэдний нэг Ахмад Абуаммо нь тус компанид ажиллаж байхдаа Саудын Арабын эрх баригчдыг шүүмжлэгч эккаунтуудын талаар мэдээлэл цуглуулж өгдөг байсан гэнэ.

Тэрээр АНУ-ын иргэн бөгөөд 2015 оныг хүртэл Твиттер компанийн Ойрх Дорнод, Умард Африкийн бүсийн хамтын ажиллагааг хариуцдаг байжээ.

Абуаммо энэ үйлдлийнхээ төлөө Саудын Арабын албаны хүнээс үнэтэй брэндийн цаг, хамгийн багадаа $300,000-ыг бэлнээр авч байсныг тогтоосон байна.

Нөгөө нэг ажилтан болох инженер Али Алзабарах мөн Саудын Арабын талд 6,000 гаруй хэрэглэгчийн хувийн мэдээллийг гаргаж өгдөг байжээ. 

Хоёр ажилтныг Саудын засгийн газартай холбож өгдөг байсан гурав дахь хүн болох Ахмед Алмутайрид өчигдөр бас ял оноосон байна.

Түүнийг Саудын Арабын угсаа залгамжлах ханхүү Мухаммед Бин Салманы шадар хүн Бадер Аль Асакертай холбоотой болохыг зарим эх сурвалжууд мэдээлжээ.

Уг хэрэг Твиттер компани хэрэглэгчдийнхээ хувийн мэдээллийг гадаадын дарангуйлагч дэглэмээс хамгаалж чадаж байгаа эсэхэд эргэлзэхэд хүргэж байна. Тус компанийн серверт бүх Твиттер хэрэглэгчдийн имэйл, утасны дугаар, хэзээ ямар үйлдэл хийсэн бичлэг (log) зэрэг мэдээллүүд хадгалагддаг юм.

Тус компаниас гаргасан мэдэгдэлд “Хэсэг этгээдүүд манай үйлчилгээнд хор хөнөөл учруулах зүйл хийснийг бид хүлээн зөвшөөрч байна. Манай компани хэрэглэгчдийнхээ хувийн мэдээлэлд хандах эрхийг тусгай шалгуур хангaсан цөөн тооны мэргэжилтнүүдэд олгодог” гэжээ.

 

Эх сурвалж: CNET

 

x