Авто тээвэр шалган бүртгэх товчоод, хяналтын цэгүүдэд нийслэлийн Мэргэжлийн хяналтын газраас /НМХГ/ байнгын шалгалт хийж байгаа юм.
Шалгалтаар идлэг шонхор шувуу тээвэрлэж явсан зөрчил илэрчээ.
Энэ талаар НМХГ "Хан-Уул дүүргийн нутаг дэвсгэрт байрлах “Өлзийт”-ийн авто тээвэр шалган бүртгэх хяналтын цэгт үүрэг гүйцэтгэж байсан албан хаагчид өчигдөр орой улсын дугаартай, Тоёота королла маркийн тээврийн хэрэгслийг зогсоож, ачаа тээшинд үзлэг хийхэд иргэн Б нь Дундговь аймгийн нутаг дэвсгэрээс зөвшөөрөлгүйгээр барьсан 2 бодгаль идлэг шонхор шувуу, 3 бодгаль ногтруу шувуу тээвэрлэж явсныг илрүүлсэн.
Идлэг шонхор шувуу барьсан үйлдэл нь гэмт хэргийн шинжтэй байж болзошгүй тул харъяаллын дагуу шалгуулахаар Хан-Уул дүүрэг дэх Цагдаагийн 2 дугаар хэлтэст шилжүүллээ" гэсэн мэдээллийг өлгөө.
Хяналт шалгалт үргэлжилж байгаа аж.
АМЬТНЫ ТУХАЙ ХУУЛЬД:
7.5.Төрийн захиргааны төв байгууллагаас олгосон тусгай зөвшөөрлөөр ховор амьтныг дараах тохиолдолд агнаж, барьж болно:
7.5.1.судалгаа, шинжилгээ, соёл, урлаг, эмчилгээний зориулалтаар;
7.5.2. Монгол Улсын болон гадаадын иргэн тусгай төлбөр төлсөн;
7.5.3.тодорхой нутаг дэвсгэрт амьтны сүргийн бүтцийг зохицуулах болон халдварт өвчний голомтыг эрүүлжүүлэх зорилгоор.
9.2.Ахуйн болон тусгай зориулалтаар дор дурдсан хугацаанд шувуу агнах, загас барихыг хориглоно:
9.2.1.шивэр хөтүү, дагуур ятуу, эрээнхавирга хахилаг, говийн ногтруу, хар хур, эгэл сойрыг жил бүрийн 3 дугаар сарын 15-ны өдрөөс 10 дугаар сарын 31-ний өдөр хүртэл;
9.8.Энэ хуулийн 7.5-д заасан үндэслэлээр барих ховор амьтныг дор дурдсан хугацаанд судалгаа, шинжилгээнээс бусад тусгай зориулалтаар амьдаар барихыг хориглоно:
9.8.4.идлэг шонхор шувууг жил бүрийн 11 дүгээр сарын 15-ны өдрөөс дараа оны 6 дугаар сарын 20-ны өдөр хүртэл;
39 дүгээр зүйл.Хууль зөрчигчид хүлээлгэх хариуцлага
39.2.Энэ хуулийг зөрчсөн хүн, хуулийн этгээдэд Эрүүгийн хууль, эсхүл Зөрчлийн тухай хуульд заасан хариуцлага хүлээлгэх хуультай.