Өнгөрсөн амралтын хоёр өдөрт Тээврийн цагдаагийн албаны Жижүүрийн шуурхай удирдлагын хэлтэст зам тээврийн ослын шинжтэй 515 дуудлага иржээ.
Зам тээврийн ослын улмаас 15 хүн гэмтэж бэртсэний 7 нь хүүхэд. Ноцтой ослын улмаас нийслэлд 1, орон нутаг 2 хүний амь нас хохирчээ.
Ноцтой зам тээврийн ослоос дурдвал:
Бямба гарагт 06:15 цагийн орчим Дархан-Уул аймгийн 2 дугаар багийн нутагт Nissan Advan маркийн автомашин, хашаа мөргөж жолооч 23 настай, эрэгтэй Б, Ням гарагт 18:30 цагийн орчимд Төв аймаг Борнуур сумын Нарт 4-р багий нутаг “Бамбарууш” зоогийн газрын зүүн талд асфальтан замд Toyota prius маркийн автомашин онхолдож, зорчигч 61 настай, эмэгтэй О нар амиа алдсан харамсалтай ослууд гарчээ.
Мөн Бямба гарагийн 20:10 цагийн орчим ХУД-ийн 13 дугаар хороо Шувуун фабрикийн замд Sinotruck маркийн автомашины жолооч явган зорчигч 29 настай, эмэгтэй С-г мөргөж амь насыг нь хохироосон байна.
Амралтын өдрүүдэд согтуугаар тээврийн хэрэгсэл жолоодсон 95 жолоочийг илрүүлж хуулийн дагуу хариуцлага тооцжээ.