"Монголд ирсэн жуулчдын ихэнх нь Хөвсгөл, Өмнөговь, Дорноговь, Өвөрхангай, Төв аймгийг зорьдог"

Гэрэл зургийг mpa.mn

Манай улсын хилээр 2019 оны эхний 9 сард давхардсан тоогоор 4.7 сая зорчигч нэвтэрсэн нь өмнөх оны мөн үеэс 104.4 (2.3%) мянгаар өссөн үзүүлэлт болохыг Үндэсний статистикийн хорооноос мэдээлсэн. 

Түүнчлэн улсын хилээр 2019 оны эхний есдүгээр сард гадаадын 525,600 хүн орсноос 477,900 буюу 90.9% хувь нь аялал жуулчлалын зорилгоор иржээ.

Энэ нь өмнөх оны мөн үеэс 46.2 мянгаар буюу 10.7%-аар өссөн үзүүлэлт болж буй аж. 

График 1. Улсын хилээр орсон, гарсан жуулчид, жил бүрийн эхний 9 сарын байдлаар харьцуулбал

Өмнөх оны мөн үеэс жуулчдын тоо нь өссөн орнуудаас сонирхуулбал:

1. Вьетнам улсын жуулчид 338 (54.7%)
2. Хонг Конг (БНХАУ)-ийнх 1,166 (44.0%)
3. Малайз улсынх 323 (21.9%)
4. Япон улсынх 3,360 (18.8%)
5. Өмнөд Солонгос улсынх 14,152 (18.7%) хүнээр өссөн.

Харин жуулчдын тоо нь буурсан улсуудад:

1. Турк улсынх 837 (36.5%)
2. Украинийх 176 (14.5%)
3. Австралийнх 384 (6.0%)
4. Казахстаных 308 (2.2%) хүнээр тус тус буурчээ.

Энэ оны эхний 9 сард улсын хилээр орсон, гарсан жуулчдын тоогоор БНХАУ, ОХУ, БНСУ тэргүүлж байна. 

Харин манай улсад ирж буй жуулчид аль боомтоор түлхүү орж ирдгийг нь харвал энэ оны эхний 9 сард Замын-Үүдийн боомтоор хамгийн их буюу 37.2 хувь, Шивээ хүрэнгийн боомтоор хамгийн бага буюу 5.5 хувь нь орж иржээ. 

График 2. Боомтоор орж ирсэн жуулчид, энэ оны эхний 9 сараар

График 3. Боомтоор гарсан жуулчид, энэ оны эхний 9 сараар 

Харин манай улсын давхардсан тоогоор 1.8 сая иргэн 2019 оны эхний 9 сард гадаадад зорчсоноос 1.3 (70.4%) сая нь хувийн журмаар зорчсон байна. 

Нэмж сонирхуулахад, манай улсыг зорин ирдэг жуулчдын ихэнх нь Хөвсгөл, Өмнөговь, Дорноговь, Өвөрхангай, Төв аймгийг зорьдог талаар нийслэлийн Аялал жуучлалын газраас мэдээлэв. 

Гэсэн хэдий ч манай улсыг зорин ирдэг жуулчид байгалийн үзэсгэлэнт ямар газруудаар түлхүү очдог болохыг харуулсан нарийн судалгааг гаргах боломж одоогоор хомс болохыг мөн хэллээ.