2020/05/25
Америк доллар
МОНГОЛ БАНК:
2,801.20₮
B30
УЛААНБААТАР
21°
|
B30
УЛААНБААТАР
26°
|
B30
УЛААНБААТАР
19°
|
11°
01:00
S31
02:00
S31
03:00
S31
04:00
S29
05:00
S29
06:00
S30
07:00
S30
08:00
S30
11°
09:00
S30
14°
10:00
S32
16°
11:00
S32
17°
12:00
S32
18°
Энэ мэдээ хуучирсан буюу 2019/10/14 -нд нийтлэгдсэн мэдээ болно.

Есдүгээр сард хамгийн олон хүүхэд мэндэлжээ

Т.Саран, iKon.mn
2019 оны 10 сарын 14
iKon.MN
Зураг

Улсын хэмжээнд энэ оны эхний есөн сард 58.1 мянган эх амаржиж, 58.5 мянган хүүхэд төрүүлсэн нь өмнөх оны мөн үеэс амаржсан эх 488 буюу 0.8%, амьд төрсөн хүүхэд 563 буюу 1.0%-аар нэмэгдсэн байна.

Өнгөрсөн сард 6,541 эх амаржиж, 6,597 хүүхэд төрүүлсэн нь өмнөх сараас амаржсан эх 39 (0.6%)-өөр, амьд төрсөн хүүхэд 23 (0.3%)-аар буурчээ. Харин энэ нь сүүлийн таван жилийн есдүгээр сарын хувьд хамгийн олон хүүхэд мэндэлсэн есдүгээр сар болж байна. 

Тэгвэл нас баралт энэ оны эхний есөн сард 12,723 болж, өмнөх оны мөн үеэс 177 (1.4%)-оор буурчээ.

Тайлант хугацаанд 1,000 хүнд ногдох төрөлт 17.8, нас баралт 3.9 байсан бөгөөд хүн амын ердийн цэвэр өсөлт 13.9 байна.

Өмнөх оны мөн үеэс 1,000 хүнд ногдох төрөлт 0.2 пункт, нас баралт 0.1 пункт, хүн амын ердийн
цэвэр өсөлт 0.1 пунктээр тус тус буурчээ. 

График. 1000 хүнд ногдох төрөлт, нас баралт, ердийн цэвэр өсөлт, жил бүрийн эхний 9 сарын байдлаар

Бусад аймгийн тухайд, 1,000 хүнд ногдох төрөлт Улаанбаатар хот болон Баян-Өлгий, Ховд, Орхон, Говьсүмбэр аймагт улсын дунджаас 0.5-3.2 пунктээр дээгүүр байгаа бол Өмнөговь аймагт ижил түвшинд, бусад аймагт 0.1-9.3 пунктээр доогуур байна.

Харин 1,000 хүнд ногдох нас баралт Баян-Өлгий, Завхан, Архангай, Баянхонгор, Хөвсгөл, Дорноговь, Дундговь, Сүхбаатар аймагт улсын дунджаас 0.1-0.4 пунктээр дээгүүр, Улаанбаатар болон Говь-Алтай, Увс, Өвөрхангай, Өмнөговь, Дорнод аймагт ижил түвшинд, бусад аймагт 0.1-1.8 пунктээр доогуур байна.

Хүн амын ердийн цэвэр өсөлт Улаанбаатар хот болон Баян-Өлгий, Ховд, Орхон, Говьсүмбэр аймагт улсын дунджаас 0.8-3.1 пунктээр дээгүүр буюу илүү өсөж байгаа бол Өмнөговь аймагт ижил түвшинд, бусад аймагт 0.1-8.3 пунктээр доогуур байгааг Үндэсний статистикийн хороо танилцууллаа. 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x