2020/06/06
Америк доллар
МОНГОЛ БАНК:
2,809.64₮
B30
УЛААНБААТАР
29°
|
15°
B30
УЛААНБААТАР
18°
|
12°
B30
УЛААНБААТАР
15°
|
18:00
S26
24°
19:00
S26
21°
20:00
S26
19°
21:00
S29
16°
22:00
S29
15°
23:00
S29
14°
00:00
S29
13°
01:00
S29
12°
02:00
S29
12°
03:00
S26
11°
04:00
S26
11°
05:00
S26
10°
Энэ мэдээ хуучирсан буюу 2019/10/11 -нд нийтлэгдсэн мэдээ болно.

Гэр бүлийн хүчирхийлэл үйлдсэн эрчүүдийг гадаадын иргэнтэй гэрлэхийг хориглох хууль Өмнөд Солонгост хэрэгжинэ

Э.Сэмүүн, ikon.mn
2019 оны 10 сарын 11
iKon.MN
Зураг

Гэр бүлийн хүчирхийлэл үйлдэж байсан түүхтэй эрчүүдэд гадаадын иргэн эмэгтэйтэй гэр бүл зохиохыг хориглох хууль Өмнөд Солонгост хэрэгжихээр болжээ.

Ирэх оны аравдугаар сараас эхлэн цагаачлалын хуулинд ийм заалт нэмж орохоор болсныг тус улсын хууль зүйн яамнаас мэдэгдсэн байна.

Мөн сүүлийн 10 жилийн хугацаанд хүүхдийн эсрэг бэлгийн хүчирхийллийн гэмт хэрэг үйлдсэн этгээдэд гадаадын иргэнтэй гэрлэхийг хориглохоор болжээ.

Ийм хууль хэрэгжих болсон шалтгаан нь өнгөрсөн долдугаар сард Өмнөд Солонгосын нийгмийг шуугиулсан нэгэн хэрэг гарсантай холбоотой. Тухайн үед 36 настай эрэгтэй вьетнам эхнэрээ хоёр настай хүүгийнхээ дэргэд зэрлэгээр зодож байгааг харуулсан дүрс бичлэг сошиал сүлжээнд тарсан юм.

Сүүлд тэр эрэгтэй цагдаад мэдүүлэг өгөхдөө өөрийгөө согтуу байсан, эхнэрээ солонгос хэлээр муу ярьдагт уурлаж зодсон гэж ярьжээ.

Хэргийн дараа хүний эрхийн байгууллагууд вьетнам эмэгтэйг хүүгийнх нь хамт хамгаалалтад авч, хугарсан хавиргыг нь эмчилсэн байна.

Энэхүү хэргийн дараа Өмнөд Солонгосын олон нийт гадаадын иргэн эмэгтэйчүүдийн эрхийг хамгаалахад анхаарал хандуулахыг засгийн газраасаа шаардаж эхэлсэн юм. 

Сүүлийн байдлаар жил бүр 6,000 орчим эмэгтэй Өмнөд Солонгосын иргэнтэй гэрлэдэг болсноор Вьетнам улс Хятадыг гүйцэж, хамгийн олон бэр нийлүүлэгч улс болсныг тус улсын Ханой дахь элчин сайдын яам мэдээлжээ.

 

Эх сурвалж: The Guardian

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x