ХУУЧИРСАН МЭДЭЭ: 2019/10/04-НД НИЙТЛЭГДСЭН
Д.Адилбиш: Мандал-Овоо сумын газар хөдлөлт иргэдэд мэдрэгдсэн, учирсан хохирол байхгүй
iKon.MN
Өмнөговь аймгийн Мандал-Овоо сумын нутаг дэвсгэрт Лхагва гарагт газар хөдөлжээ.
Тодруулбал, Өмнөговь аймгийн Мандал-Овоо сумын төвөөс зүүн хойд зүгт 29 км-т орших Өтгөн багийн “Дахтын зоо” гэдэг газар энэ сарын 2-ны 02:11 цагт 3.6 магнитудын хүчтэй газар хөдлөлт болжээ.
Энэ тухай мэдээллийг тус аймгийн Газар хөдлөлт бүртгэх станцаас тус өдрийн 09:05 цагт аймгийн Онцгой байдлын газарт мэдээлсэн байна.
Өмнөговь аймгийн Онцгой байдлын газар Мандал-Овоо сумын ЗДТГ-ын дарга Д.Адилбишээс тодруулахад "Газар хөдлөлтийн чичирхийлэл иргэдэд мэдрэгдсэн, учирсан хохирол байхгүй" гэв.
Эх сурвалж: ОБЕГ
