ФОТО: Эвийг эрхэмлэгч Махатма Гандигийн мэндэлсний 150 жилийн ой тохиож байна
“Олон үйл хэргийн төлөө би үхэхэд бэлэн байна. Харин ямар ч үйл хэргийн төлөө би аллага үйлдэхгүй” гэж Энэтхэгийн ард түмний эцэг Махатма Ганди хэлсэн байдаг.
Энх тайвныг эрхэмлэгч, хүчирхийллийн эсрэг тэмцэгч Махатма Гандигийн мэндэлсний 150 жилийн ой өнөөдөр тохиож байна.
БНЭУ-аас Монгол Улсад суугаа Элчин сайдын яамнаас Махатма Гандигийн хөшөөнд өнөөдөр цэцэг өргөн, энэтхэг дуу дуулж, хийдийн лам нар ном айлдлаа.
Мөн энэ өдрийг "Олон улсын хүчирхийлэлгүй өдөр" болгон тэмдэглэн өнгөрүүлдэг уламжлалтай.
Тодруулбал, түүний хурц тэмцэл, эсэргүүцэл, үзэл бодол, түүнийг дэмжигчдийн хүчээр Энэтхэг улс дэлхийн хоёрдугаар дайны дараа бие даасан улс болсон. Харин 2007 оноос эхлэн НҮБ түүний төрсөн өдөр болох аравдугаар сарын 2-ны өдрийг “Олон улсын хүч үл хэрэглэх өдөр” болгон тэмдэглэх шийдвэр гаргасан билээ.
ФОТО СУРВАЛЖИЛГА
