Энэ онд бага насны хүүхэд нүхэн жорлонд эндсэн тохиолдлууд гарсан юм. Гэвч насанд хүрсэн хүн ч нүхэн жорлонд унаж амиа алдсан харамсалтай зүйл болжээ.
Тодруулбал, Баянгол дүүргийн 16 дугаар хороонд нүхэн жорлонд цогцос байна гэсэн дуудлага өчигдөр 13:19 цагт Онцгой байдлын байгууллагад ирсэн байна.
Дуудлагын дагуу аврах ангийн 6 алба хаагч 13:30 цагт очиж, нийслэлийн Сонгинохайрхан дүүргийн харьяат 27 настай, эрэгтэйн цогцсыг дөрвөн метрийн гүнтэй нүхэн жорлонгоос гаргаж, цагдаагийн байгуулагад шилжүүлэн өгчээ.
Гэр хорооллын нүхэн жорлонд хүүхэд гэлтгүй том хүн ч унаж амиа алдах тохиолдол гарч байгаа тул болгоомжтой байхыг зөвлөж байна.