"Токио-2020" олимпын зардалд 20 тэрбум төгрөг төсөвлөхөөр төлөвлөжээ

Эх сурвалж: Сангийн яам

Монголын Улсын 2020 оны төсвийн төслийг өчигдөр Сангийн сайд Ч.Хүрэлбаатар танилцуулсан билээ.

Уг төсөлд тусгаснаар боловсролын салбарт нэг удаагийн шинж чанартай хэрэгжүүлэх арга хэмжээнд 29.6 тэрбум төгрөг төсөвлөжээ. Үүнд:

• Япон улсын нийслэл Токио хотноо ирэх онд болох "Токио-2020" олимпын наадамд оролцох үндэсний шигшээ баг, тамирчдын зардалд зориулж 20 тэрбум төгрөг тусгасан байна. 
• Улаанбаатар хотноо ирэх онд болох Хүүхдийн спортын наадмыг зохион байгуулахад 9.6 тэрбум төгрөг зарцуулахаар төлөвлөжээ. 

Кино урлагийг дэмжих зорилгоор энэ удаа 10 тэрбум төгрөгт төсөвт суулгахаар төлөвлөсөн байна. Кино урлагийг дэмжих сангийн мөнгөөр үндэсний кино контент бүтээх, кино үйлдвэрлэлийн дэд бүтцийг сайжруулах, олон улсын кино наададм, үзэсгэлэнд монгол киног оролцуулах зорилготой бөгөөд эргэн төлөгдөх нөхцөлтэй байх аж.