Дэлхийн технологийн салбарын нэгдэл “Web Summit 2019”-д Монгол Улсаас анх удаа сэтгэл зүйн старт-ап оролцохоор болжээ
Дэлхийн технологи, инновац, бизнесийнхнийг нэг дор цуглуулдаг хамгийн том чуулга уулзалт болох "Web Summit 2019" ирэх 11 дүгээр сарын 4-7-ний өдрүүдэд Португал улсын Лиссабон хотноо болох гэж байна.
Түүний оюуны бүтээл болох удирдах түвшний менежерүүдэд зориулан гаргасан “Fullbox” сэтгэл зүйн хэрэглэгдэхүүн нь сэтгэл судлалын салбарт шинэчлэл авчрах зорилготой бөгөөд хөрөнгө оруулагчдын сонирхлыг татна гэдэг утгаараа зохион байгуулагчид онцгойлон авч үзсэн байна. Энэ хүрээнд тус бүтээгдэхүүний аппликэйшнийг хийж байгаа аж.
- · 70,000 - зочин
- · 11,000 - CEO
- · 1,200 - салбар бүрийг төлөөлөх дэлхийн нөлөө бүхий илтгэгч
- · 80,000 орчим хүсэлтээс шалгарсан шилдэг старт-апууд оролцох юм.
Энэ жил тус чуулга уулзалтад оролцох, дэлхийн технологи, эдийн засгийн хөгжлийг манлайлж буй 11,000 удирдагчаас дурдвал:
- "Huawei" компанийн ТУЗ-ийн Дэд дарга Гуо Пинг
- "Microsoft" компанийн ерөнхийлөгч Брэд Смит
- "Wikimedia" компанийн үүсгэн байгуулагч Кэтрин Махер
- "Tinder" компанийн CEO Эли Сейдман
- "eBay" компанийн CEO Дэвин Вениг
- "Booking.com" компанийн CEO Жиллиан Танс
- "Uber"-ийн CPO Маник Гүпта нарыг нэрлэж болно.
Дээрх хоёр мэдээллээс “Web Summit 2019” ямар өндөр ач холбогдолтой, хөрөнгө оруулалтыг асар том боломж олгодог уулзалт болохыг харж болно. Тийм ч учраас энэхүү чуулга уулзалтыг
- "Forbes" сэтгүүл - "Манай гараг дээрх технологийн хамгийн шилдэг уулзалт"
- "The Atlantic" - "Web summit-дээр ирээдүй төрдөг"
- "The New York Times" - "Технологийн салбарын гэгээнтнүүдийн өндөр түвшний уулзалт" хэмээн тодорхойлжээ.
“Web Summit” нь дэлхийд тулгараад буй бэрхшээлд шийдэл болохуйц, хүн төрөлхтний аливаа хүндрэлийг технологийн хүчээр шийдвэрлэх санал санаачлага бүхий гарааны бизнесүүдэд өөрсдийн бүтээлийг танилцуулж, сая сая хөрөнгө оруулалт татах боломжийг олгож ирсэн.
