ОХУ-ын гадаад хэргийн сайд Сергей Лавров өөрт нь зорчих виз олгож, НҮБ-ын ерөнхий ассамблейн чуулганд оролцох боломж олгосон АНУ-ын эрх баригчдад талархаж байгаагаа өнөөдөр илэрхийлжээ.
“Нью Йорк хотод та бүхэнтэй уулзах боломж гарсанд би баяртай байна. Манай бусад төлөөлөгчдөөс ялгаатай нь надад АНУ-ын виз гарсанд би баяртай байна. Вашингтон виз олгохдоо тун хянуур ханддаг болоод байгаа” гэж тэр “Астана формат” уулзалтыг нээхдээ хэлсэн байна.
Нью Йорк хотод эхэлж байгаа энэ жилийн НҮБ-ын ерөнхий ассамблейн чуулганд оролцох ОХУ-ын засгийн газрын төлөөлөгчдийн дотроос 10 хүнд АНУ виз олгоогүй юм байна.
Эх сурвалж: ТАСС