2020/03/29
Америк доллар
МОНГОЛ БАНК:
2,775.43₮
B30
УЛААНБААТАР
|
-6°
B30
УЛААНБААТАР
-1°
|
-5°
B30
УЛААНБААТАР
|
-12°
10:00
S32
11:00
S32
12:00
S32
13:00
S32
14:00
S32
10°
15:00
S32
10°
16:00
S32
10°
17:00
S32
18:00
S32
19:00
S32
20:00
S31
21:00
S29
Энэ мэдээ хуучирсан буюу 2019/09/19 -нд нийтлэгдсэн мэдээ болно.

Өмнөд Солонгосын хамгийн том цуврал аллагын эзнийг 30-аад жилийн дараа илрүүлжээ

Э.Сэмүүн, ikon.mn
2019 оны 9 сарын 19
iKon.MN

Одоогоос 30 орчим жилийн өмнө үйлдэгдсэн хүн амины цуврал хэргийн эзнийг олж тогтоосноо Өмнөд Солонгосын цагдаагийн газар өчигдөр мэдээлжээ.

Хэргийн гол сэжигтэн болсон 50 гаруй насны эрэгтэй одоо шоронд хоригдож байгаа юм байна. 1986-аас 1991 оны хооронд Сөүл хотоос өмнө зүгт орших Хвасеон тосгонд 10 эмэгтэй хүчиндүүлж, зэрлэгээр алагдаж байжээ.

Шинэ сэжигтэн одоогоор тэдний нэгний аллагад буруутай нь тогтоогдоод байгаа гэнэ.

Өмнөд Солонгосын шүүх эмнэлгийн мэргэжилтнүүд сүүлийн үеийн ДНК шинжилгээний арга технологийг ашиглан сэжигтнийг илрүүлсэн байна.

Энэхүү цуврал аллагын хэргийг мөрдөхөд өнгөрсөн хугацаанд нийтдээ хоёр сая гаруй тооны цагдаа ажиллаж байсан нь ганц гэмт хэрэг дээр ажилласан хүний тоогоор тэргүүлэх үзүүлэлт ажээ.

Хэдийгээр сэжигтэн гэмт хэрэг үйлдсэнийг бүрэн нотолсон ч хэргийг мөрдөн шалгах хугацаа 2006 оны дөрөвдүгээр сард дуусаж, хаагдсан тул ял шийтгэл оноохгүй юм байна.

Сэжигтэн одоо ижил төрлийн хэрэг үйлдсэн ялтай шоронд хоригдож байгаа гэнэ.

Энэхүү дуулиантай хэргээс сэдэвлэсэн “Memories of Murder” нэртэй уран сайхны кино 2003 онд дэлгэцэнд гарч байжээ. Одоо сэжигтэн этгээд нь үлдсэн эмэгтэйчүүдийн амийг хөнөөсөн эсэхийг тогтоохоор мөрдөгчид ажиллаж байна.

 

Эх сурвалж: Yonhap News

 

x