Өнгөрсөн амралтын өдрүүдэд осол, хэргийн улмаас нийслэлд зургаан хүн гэмтэж,орон нутагт хоёр хүний амь нас хохирчээ.
Зам тээврийн ослоос дурьдвал, Дундговь аймгийн Сайнцагаан сумын 1-р багийн нутаг “Ихэр Ухаа” гэх газар “Haojie” маркийн мотоцикл онхолдож жолооч 57 настай эрэгтэй нас баржээ.
Мөн Орхон аймгийн Баян-Өндөр сум Баянцагаан багийн нутаг 5-р гудамж /аймгийн төвд/ шороон замд Toyota Prius маркийн автомашины жолооч А нь, айлын хашаа мөргөж, хашаан дотор явж байсан 8 настай, эрэгтэй хүүхдийн амь насыг хохироосон хэргийг шалгаж байгааг албаныхан мэдээллээ.
Жолооч нар замын хөдөлөөний дүрмээ биелүүлж, бусдад аюул осолтой байдал үүсгэхгүйгээр зорчихыг Тээврийн цагдаагийн албанаас сэрэмжлүүлж байна.