2019/10/22
Америк доллар
МОНГОЛ БАНК:
2,683.19₮
B30
УЛААНБААТАР
-2°
|
-8°
B30
УЛААНБААТАР
|
-11°
B30
УЛААНБААТАР
|
-9°
00:00
S29
-4°
01:00
S29
-5°
02:00
S29
-6°
03:00
S26
-7°
04:00
S26
-7°
05:00
S26
-7°
06:00
S29
-8°
07:00
S29
-9°
08:00
S30
-10°
09:00
S30
-8°
10:00
S30
-7°
11:00
S30
-5°
Энэ мэдээ хуучирсан буюу 2019/08/13 -нд нийтлэгдсэн мэдээ болно.

Дэлхийн 17 улсаас мөнгө хулгайлсан Умард Солонгосын кибер халдлагуудыг НҮБ шалгаж байна

Р.Түвшин, iKon.mn
2019 оны 8 сарын 13
iKon.MN

Цөмийн зэвсгийн хөтөлбөрөө санхүүжүүлэхийн тулд Умард Солонгосын дэглэм гадаадын 17 орны банк, санхүүгийн байгууллагууд руу нийт 35 удаагийн кибер халдлага үйлдсэнийг НҮБ-ын мэргэжилтнүүд шалгаж байна.

Пёньяны эрх баригчид ийм арга замаар нийт $2 тэрбумыг олсон гэж саяхан гарсан судалгааны дүгнэлтэд өгүүлжээ. Хамгийн их хохирол амссан улс нь Өмнөд Солонгос болж, 10 удаагийн халдлагад өртсөн байна.

Дараа нь гурван халдлагатай Энэтхэг, тус бүр хоёр халдлагатай Бангладеш, Чили улсууд удаалжээ. Коста Рика, Гамби, Гватемал, Кувэйт, Либери, Малайз, Мальта, Нигери, Польш, Словени, Өмнөд Африк, Тунис, Вьетнам улсууд нэг нэг удаа Умард Солонгосын кибер халдлагад өртсөн байна.

Дээрх халдлагууд НҮБ-ын зарласан эдийн засгийн хоригийг зөрчиж байгаа тул мэргэжилтнүүд мөрдөн шалгаж эхэлжээ.

Умардын хакерууд банкны системд халдахдаа улс хоорондын гүйлгээний SWIFT системийг ашигласан байна. Мөн крипто арилжааны төвүүд рүү болон крипто валют эзэмшигч хувь хүмүүс рүү чиглэсэн халдлага үйлдэж байжээ.

Гурав дахь арга нь бусдын компьютерт вирус халдааж, тухайн компьютерын хүчин чадлыг ашиглан крипто валют олборлох үйл ажиллагааг нууцаар гүйцэтгэж байсныг тогтоосон байна.

Үүнээс гадна зарим улс орны ATM сүлжээнд нэвтэрч, хуурамч гүйлгээгээр бэлэн мөнгө гаргуулаад өөрийн хүмүүсээр авхуулсан хэрэг илэрсэн гэнэ.

Өмнөд Солонгосын хамгийн том крипто арилжааны төвүүдийн нэг Bithumb руу Умард Солонгосын хакерууд хамгийн багадаа дөрвөн удаа халдаж их хэмжээний мөнгө хулгайлж байжээ.

Эхний хоёр халдлага нь 2017 оны хоёр, долдугаар саруудад гарахад нийт $7 саяын хохирол учруулсан бол 2018 оны зургаадугаар сард халдахдаа $31 сая, 2019 оны гуравдугаар сард халдахдаа $20 саяыг хулгайлж байсныг тогтоосон гэнэ.

Умардын хакерууд “cryptojacking” гэгддэг аргаар интернэтэд холбогдсон хүмүүсийн компьютерт вирус халдааж, тооцоолох хүчин чадлыг нь крипто валют олборлоход хулгайгаагаар ашиглаж байсныг НҮБ-ын мэргэжилтнүүд илрүүлжээ.

Monero нэртэй крипто валютыг ийм аргаар олборлож, олсон бүх дижитал валютаа Пёньян дахь Ким Ил Суны нэрэмжит их сургуулийн серверт илгээж байсныг тогтоосон байна.

 

Эх сурвалж: Associated Press

 

x