2020/05/31
Америк доллар
МОНГОЛ БАНК:
2,805.97₮
B30
УЛААНБААТАР
19°
|
B30
УЛААНБААТАР
18°
|
B30
УЛААНБААТАР
12°
|
13:00
S30
14°
14:00
S30
16°
15:00
S30
17°
16:00
S30
18°
17:00
S26
18°
18:00
S26
17°
19:00
S26
16°
20:00
S26
14°
21:00
S29
12°
22:00
S29
11°
23:00
S31
00:00
S31
Энэ мэдээ хуучирсан буюу 2019/08/10 -нд нийтлэгдсэн мэдээ болно.

Хуавэй компани Андроидыг орлох гар утасны шинэ үйлдлийн системээ танилцуулжээ

Р.Түвшин, iKon.mn
2019 оны 8 сарын 10
iKon.MN
Зураг

АНУ-ын эдийн засгийн хоригт нэрвэгдээд байгаа Хятадын харилцаа холбооны технологийн Хуавэй компани Андроид системийг орлох шинэ үйлдлийн системээ өчигдөр албан ёсоор танилцуулжээ.

Тавдугаар сард Вашингтоны засаг захиргаанаас тавьсан хоригийн дагуу Google компани Андроид үйлдлийн системээ цаашид Хуавэй компанийн гар утаснуудад ашиглуулахгүй болж байгаагаа зарласан.

Дараа нь зургаадугаар сард Дональд Трамп, Ши Жиньпин нар Осакад болсон Их 20-ын чуулганы үеэр уулзаад уг хоригийг түр хойшлуулсан билээ.

Өчигдөр өмнөд Хятадын Донгуан хотод болсон Huawei Developer Conference чуулганы үеэр тус компани HarmonyOS буюу хятадаар Hongmeng нэртэй үйлдлийн системийг танилцуулжээ.

“HarmonyOS нь Андроид, iOS системүүдээс тэс өөр бүтэц, ажиллагаатай систем” гэж Хуавэй компанийн гүйцэтгэх захирал Ричард Юү мэдэгдсэн байна.

Эхний ээлжинд тус компани шинэ үйлдлийн системээ ухаалаг TV, яригч, бугуйн цаг зэрэг төхөөрөмжүүдэд ашиглах юм байна.

Харин гар утсанд хэзээ нэвтрүүлэх нь АНУ-ын шийдвэрээс хамаарах ажээ. Өөрөөр хэлбэл бүрэн хориглох хүртэл нь Хуавэй компани гар утсандаа Андроид систем хэрэглэхийг илүүд үзэх бөгөөд хамгийн муу тохиолдолд HarmonyOS-оор солих төлөвлөгөөтэй байгаа юм байна.

HarmonyOS нь нээлттэй систем байх бөгөөд хэн дуртай нь уг системийг өөрийн ухаалаг төхөөрөмжид ашиглах боломжтой байх гэнэ.

Гэхдээ Хуавэй компани өөрийн HarmonyOS системд зориулсан эко систем, аппликэйшний арвин сантай болох хүнд асуудалтай тулгарч байна.

Өмнө нь Blackberry компани үүнийг хийж чадаагүйгээс үндсэндээ дампуурсан. Самсунг компани мөн Tizen нэртэй өөрийн үйлдлийн системийг хөгжүүлсэн ч телевиз, бугуйн цаг зэрэг гар утаснаас бусад ухаалаг төхөөрөмжүүдэд ашиглахаас хэтрэхгүй байгаа билээ.

 

Эх сурвалж: BBC

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x