2019/09/21
Америк доллар
МОНГОЛ БАНК:
2,667.91₮
B30
УЛААНБААТАР
23°
|
B30
УЛААНБААТАР
25°
|
11°
B30
УЛААНБААТАР
26°
|
11°
01:00
S31
02:00
S31
03:00
S31
04:00
S31
05:00
S31
06:00
S31
07:00
S32
08:00
S32
09:00
S32
10°
10:00
S32
15°
11:00
S32
18°
12:00
S32
20°

Хориг тавьснаас хойш Япон улс Өмнөд Солонгос руу материал экспортлох анхны зөвшөөрлөө өглөө

Э.Сэмүүн, ikon.mn
2019 оны 8 сарын 8
iKon.MN

Өнөөдөр Япон улсын засгийн газар Өмнөд Солонгост хагас дамжуулагчийн үйлдвэрлэлд ашигладаг материал экспортлох анхны зөвшөөрлөө өгсөн байна.

Долдугаар сарын 4-нөөс эхлэн тус улс хагас дамжуулагч, электроникийн үйлдвэрлэлд ашигладаг гурван төрлийн материалыг Өмнөд Солонгост экспортлоход хатуу хяналт тавьж эхэлсэн юм.

Энэ удаа тэдгээр гурван материалын нэгийг экспортлох хүсэлтийг шалгаад зөвшөөрөл өгчээ. Ингэхдээ уг материалыг зориулалтын бусаар, тодруулбал зэр зэвсгийн үйлдвэрлэлд ашиглаж байгаа эсэхийг нь шалгасан юм байна.

Цаашдаа Японы компаниудаас ирсэн Өмнөд Солонгост экспортлох хүсэлт бүрийг ингэж шалгаад зөвшөөрөл өгөх юм. Өмнө нь эдгээр материалыг ийм хяналт шалгалтгүйгээр шууд экспортлодог байжээ.

Журам ёсоор шалгаж, зөвшөөрөл олгох үйл явц 90 хүртэл хоног үргэлжлэх юм. Энэ удаагийн экспортод сар орчим хугацааны дараа зөвшөөрөл өгчээ.

Засгийн газрын хэрэг эрхлэх газрын дарга Ёшихиде Суга өнөөдөр зөвшөөрөл олгосон явдлыг Япон улс гадаад худалдааны асуудалдаа улс төрийн санаа агуулаагүйг харууллаа гэж тайлбарласан байна.

Энэ сарын 28-наас Япон улс өөр бусад тусгай технологийн материалуудыг Өмнөд Солонгост экспортлохдоо мөн ийм хатуу хяналт тавьж эхлэх юм.

 

Эх сурвалж: Asahi Shimbun

 

x