“Говь” ХК-ийн бохир ус дамжуулах станцын худагт 18 настай ажилтан нас барсан хэрэг гарчээ.
Онцгой байдлын байгууллагад "Нийслэлийн Хан-Уул дүүргийн 3 дугаар хороонд “Говь” ХК-ийн бохир ус дамжуулах станцын худаг руу ажилтан болох Баянгол дүүргийн харьяат Л /18 настай, эрэгтэй/ ороод алга болчихлоо" гэсэн дуудлага долоодугаар сарын 24-ний 02:15 цагт ирсэн байна.
Дуудлагын дагуу нийслэлийн Аврах ангийн найман алба хаагч, хоёр автомашинтай 02:19 цагт очжээ. Аврах ангийн алба хаагчдыг очиход ажилтан бохир ус дамжуулах станцын худагт нас барсан байсан тул цогцсыг гарган, цагдаагийн байгууллагад шилжүүлэн өгсөн байна.
Эх сурвалж: ОБЕГ