2019/08/21
Америк доллар
МОНГОЛ БАНК:
2,672.74₮
B30
УЛААНБААТАР
20°
|
B30
УЛААНБААТАР
22°
|
B30
УЛААНБААТАР
24°
|
11°
18:00
S30
17°
19:00
S30
15°
20:00
S29
13°
21:00
S31
12°
22:00
S31
10°
23:00
S31
00:00
S31
01:00
S31
02:00
S31
03:00
S31
04:00
S31
05:00
S31

Венесуэль улсыг дахин харанхуй нөмөрлөө

Р.Төмөр, ikon.mn
2019 оны 7 сарын 23
iKon.MN

Венесуэль улсад цахилгаан эрчим хүчний хангамж дахин тасалджээ. Энэ удаа тус улсын 24 мужийн 14 нь гэрэл цахилгаангүй болж, нийслэл Каракас хотыг бас харанхуй нөмөрчээ.

Даваа гарагийн үдээс хойш орон даяар эрчим хүч тасалдсан шалтгааныг дайснуудын “цахилгаан соронзон зэвсгийн халдлага” гэж Венесуэлийн засгийн газар зарласан байна.

Тус улсын мэдээллийн сайд Хорге Родригез ард иргэддээ тайван байхыг уриалж, эрчим хүчний хангамжийг сэргээхээр шуурхай бүлэг ажиллаж байгааг зарлажээ.

Эмнэлгүүдийн гэрэл цахилгааныг нөөц эх үүсвэрээр хангаж, нийгмийн дэг журмыг алдагдахаас сэргийлэхийн тулд зэвсэгт хүчнийг дайчилсныг бас мэдэгдсэн байна.

Өнгөрсөн гуравдугаар сард Венесуэлийн түүхэнд хамгийн том эрчим хүчний тасалдал үүсэхэд улс орон бараг бүхэлдээ гэрэл цахилгаангүй долоо хоносон юм.

Төрийн өмчид байдаг Венесуэлийн эрчим хүчний дэд бүтэц элэгдэлд орж, олон жил засвар үйлчилгээ, шинэчлэл хийгдээгүй байгаа нь тасалдлын гол шалтгаан гэж мэргэжилтнүүд дүгнэдэг. Харин Каракасын эрх баригчид үүний цаана АНУ-ын санхүүжүүлсэн хорлон сүйтгэгчид ажиллаж байгаа гэж тайлбарладаг юм.

Энэ удаагийн тасалдал хэр удаан үргэлжлэх нь тодорхойгүй байна.

 

Эх сурвалж: Reuters

 

x