2019/08/19
Америк доллар
МОНГОЛ БАНК:
2,672.87₮
B30
УЛААНБААТАР
18°
|
10°
B30
УЛААНБААТАР
16°
|
B30
УЛААНБААТАР
19°
|
03:00
S40
04:00
S40
05:00
S40
06:00
S40
07:00
S40
08:00
S40
09:00
S40
10:00
S40
10°
11:00
S40
11°
12:00
S40
11°
13:00
S40
12°
14:00
S40
12°

ЦАХИМ БҮРТГЭЛ: 3-5 настай хүүхдийг харьяа цэцэрлэгт нь хяналтын тоо бий эсэхээс хамаарч бүртгэнэ

Г.Номин, iKon.mn
2019 оны 7 сарын 22
iKon.MN
Гэрэл зургийг mpa.mn

Цэцэрлэгийн цахим бүртгэл, элсэлтийн талаар нийслэлийн Боловсролын газар, Мэдээлэл технологийн газраас мэдээлэл хийж байна.

ШУУД ҮЗЭХ:

https://www.facebook.com/iKonNews/videos/2358943337695375/

2019-2020 оны цэцэрлэгийн цахим бүртгэл өнөөдрөөс эхэлж байна. Цахим бүртгэл гурав дахь жилдээ зохион байгуулагдах гэж байгаа. Хоёр настнуудыг бүх цэцэрлэг бүртгэх бол 3-5 настай хүүхдийг харьяа цэцэрлэгт нь хяналтын тоо бий эсэхээс хамаарч бүртгэнэ.

Энэ хичээлийн жилдээ багтаж ашиглалтад орох 73 цэцэрлэгийн барилгын ажил үргэлжилж байгаа аж. Тэдгээрээс 35 нь есдүгээр сардаа багтаад үйл ажиллагаагаа эхлүүлэх юм байна.

 
Гэрэл зургийг mpa.mn

Нийслэлийн Боловсролын газрын орлогч дарга Л.Дашдэмбэрэл "2019-2020 оны хичээлийн жилд нийслэлд урьдчилсан байдлаар төрийн өмчийн 260 цэцэрлэгт 90,000 хүүхэд, төрийн бус өмчийн 454 цэцэрлэгт 33,000 гаруй хүүхэд, нийт 714 цэцэрлэгт 123,000 гаруй хүүхэд хамрагдах төлөвтэй байна.

Өнгөрсөн жил цэцэрлэгт хамрагдалт 80.1 хувьтай байсан бол энэ жил 83-84 хувьд хүрэхээр байгаа" хэмээв.

"Хамран сургах тойргийг хүүхдийн төрсөн эхийн хаягаар тогтоож байгаа"
 
Гэрэл зургийг mpa.mn

Нийслэлийн мэдээллийн технологийн газрын дарга О.Чинзориг "Цэцэрлэгийн цахим бүртгэл tsetserleg.ulaanbaatar.mn хаягаар явуулж байгаа. Бүртгэл эхэлснээс хойш 90 минутын хугацаанд 4,033 хүүхэд бүртгүүлсэн байна. Тухайн цэцэрлэгийн хяналтын тоо хэтэрсэн тохиолдолд санамсаргүй түүврийн аргаар сонгоно.

Хамран сургах тойргийг хүүхдийн төрсөн эхийн хаягаар тогтоож байгаа.

Хүүхдийнхээ регистерийн дугаарыг оруулмагц харьяа цэцэрлэг гарч ирнэ. Бүртгүүлэх тохиолдолд баталгаажуулах код аваад бүртгүүлнэ. Цахимаар бүртгүүлэх боломжгүй, өндөр настан, интернэтэд орох боломжгүй иргэд харьяа дүүргийнхээ боловсролын хэлтэст очоод хүүхдийнхээ регистрийн дугаарыг хэлээд мөн цахимаар бүртгүүлнэ. Бүх бүртгэл цахимаар явна гэсэн үг" хэмээн тайлбарлалаа.

Бүртгэл наймдугаар сарын 22-ны 23:59 цагийг дуустал үргэлжилж, дараа өдрийнх нь 10:00 цагаас эхлэн эцэг, эхчүүдийн гар утсанд хариу зурвас илгээгдэнэ. Шинээр болон өмнөх хичээлийн жилүүдэд элссэн хүүхдүүдийн эцэг, эх нь өөрийн иргэний үнэмлэх, хүүхдийн төрсний гэрчилгээг хуулбарын хамт авч очин эцэг, эх ба цэцэрлэг хоорондын гэрээг 2019 оны 08 дугаар сарын 26-28-ны өдрүүдэд байгуулах шаардлагатай.

 
 

 

 

x