2019/08/21
Америк доллар
МОНГОЛ БАНК:
2,672.74₮
B30
УЛААНБААТАР
20°
|
B30
УЛААНБААТАР
22°
|
B30
УЛААНБААТАР
24°
|
11°
17:00
S30
19°
18:00
S30
18°
19:00
S30
15°
20:00
S29
13°
21:00
S31
12°
22:00
S31
10°
23:00
S31
00:00
S31
01:00
S31
02:00
S31
03:00
S31
04:00
S31

Түрүү бөхөд ТОЁОТА ЦОМ гардуулах ёслол боллоо

ikon.mn
2019 оны 7 сарын 13
iKon.MN

Япон улсын Тоёота Мотор Корпораци болон Тоёота брэндийн Монгол дахь албан ёсны дистрибьютер Тоёота Сэйлс Монголиа ХХК, Тулгар төр байгуулагдсаны 2,228, Их Монгол Улс байгуулагдсаны 813, Ардын хувьсгалын 98 жилийн ой, Үндэсний их баяр наадмын хүчит бөхийн барилдааны түрүү бөх  Хэнтий аймгийн Өмнөдэлгэр сумын харьяат Монгол Улсын аварга Э.Оюунболдод ТОЁОТА  ЦОМ гардуулж өглөө.

Хүй долоон худгийн Соёлын наадмын талбай дээр болсон уг ёслолын арга хэмжээнд Монгол Улсын шадар сайд Ө.Энхтүвшин, Нийслэлийн засаг дарга С.Амарсайхан "Тоёота Сейлс Монголиа" ХХК-ийн гүйцэтгэх захирал Тоширо Курахаши болон албаны бусад хүмүүс оролцсон юм.

“Тоёота мотор корпораци” нь Монгол түмний хүсэн хүлээдэг  “Наадам- 2019” Үндэсний их баяр наадмын арга хэмжээг хүндэтгэн зургаа дахь жилдээ албан ёсны түншээр  ажиллалаа.

Монгол түмнээрээ хүндэтгэн дээдэлдэг наадмын түрүү бөхөд өгсөн тоёота цом нь дахин давтагдашгүй урлагийн бүтээл болсон.

 

Монголдоо анхдагч ТОЁОТА ЦОМ нь Батноров хийцийн арга барилыг ашиглан дан гар аргаар бүтээсэн 90 см өндөр 60 кг орчим жинтэй алт, мөнгө, эрдэнийн чулуунаас бүтсэн. Үндсэн суурийг ногоон гартаамаар хийж тулгуур дөрвөн багана дээр  улаан хас, ногоон хаш, гартаам, номин эрдэнийн чулууг шигтгэн оройд нь хангарьд, луу, бар, арсланг алтаар урлан мөнгөн аягыг дээр нь байрлуулсан байна.

ТОЁОТА ЦОМ-ын мөнгөн аяганы амсар 50 см сууринаас ёроолоосоо дээш 24 см өндөр 20 литрийн багтаамжтай гэдгээрээ Дэлхийн хамгийн том мөнгөн аягатай цом болжээ. 

Мөн өөрийн гэсэн өвөрмөц ур хийцээрээ ялгарах энэ цомонд монгол түмний дээдлэн хүндэлдэг билигзүйн бүх ухааныг уламжлат ус, уул, үүлэн хээн дүрслэлээр шингээсэн байна. 

Тухайлбал, таван тив дэлхийгээ багтаасан дүрслэлийн өгүүлэмж, хурмаст тэнгэрийн хурын шимээр байгаль дэлхий сэргэж тэнгэр газрын хүчингүүд дөрвөн зүгийг эрхшээхийн билэгдэл, баяр жаргалтай байж урт удаан наслах, айл гэрийн энх амгалан батбэх байх, олз омог хүсэл тэмүүлэл хүн бүхэн аз жаргалтай байхыг билэгдэхийн зэрэгцээ хязгааргүй эрх чөлөө эд баялаг дүүрэн байх хүслийг шингээжээ.

Энэ дашрамд дуулгахад 2014 оноос хойш Тоёота Мотор Корпораци өөрийн төлөөлөгчийн газраар дамжуулан түрүү бөхөд ТОЁОТА автомашин бэлэглэснээс хойш 2018 оныг дуустал нийт 5 автомашин өгсөн юм. Өнгөрсөн онд “Тоёота мотор корпораци” нь албан ёсны түншийн хувьд Үндэсний Их Баяр Наадмын түрүү магнай бөхийг “Ланд круизер VX-R”загварын автомашинаар мялаасан. Монгол Улсын Үндэсний Их Баяр Наадмын  албан ёсны түнш Тоёота Сейлс Монголиа ХХК юм.

Түүнчлэн хамгийн эрхэм зүйл болох саруул ухаан уужим бодлыг нэн тэргүүнд дээдлэн тавьдаг Монголчуудын Дөлгөөн  зан, хязгааргүй  үргэлжлэх хэм хэмнэл оюун санаа болон байгаль дэлхий  оюуны гүйцэгдэшгүй сэтгэлгээ дээш дэвшихийг хээ болон билэгдэлзүйн зохицлоор бүтээлдээ тусгасан байна. Энэ цом нь Монголдоо анхдагч төдийгүй Японы башё бүрт олгодог цомоос том, жинхэнэ урлагийн бүтээл гэдгээрээ онцлогтой.

x