ФОТО: БНХАУ-ын Дэд дарга Ван Чишань "Чингис хаан" нисэх буудалд газардлаа

Гэрэл зургийг mpa.mn 2019.07.10

БНХАУ-ын Дэд дарга Ван Чишань өнөөдөр "Чингис хаан" олон улсын нисэх буудалд газардлаа.

Монгол Улсын Гадаад харилцааны сайд Д.Цогтбаатар, Монгол Улсаас БНХАУ-д суугаа Онц бөгөөд Бүрэн эрхт Элчин сайд Д.Ганхуяг, БНХАУ-аас Монгол Улсад суугаа Онц бөгөөд Бүрэн эрхт Элчин сайд Шин Хаймин болон албаны бусад хүмүүс түүнийг ёслол төгөлдөр угтан авсан юм.

Ноён Ван Чишань өнөөдөр Монгол Улсын Ерөнхий сайд У.Хүрэлсүх, УИХ-ын дарга Г.Занданшатар нартай уулзалт хийнэ.

Монгол Улс, Бүгд Найрамдах Хятад Ард Улс хооронд байгуулах баримт бичигт гарын үсэг зурна.

Үдээс хойш Монгол Улсын Ерөнхийлөгч Х.Баттулгад бараалхах юм байна.

 "Чингис хаан" нисэх буудлаас хийсэн фото сурвалжилга