2019/11/22
Америк доллар
МОНГОЛ БАНК:
2,708.32₮
B30
УЛААНБААТАР
-13°
|
-14°
B30
УЛААНБААТАР
-15°
|
-23°
B30
УЛААНБААТАР
-14°
|
-25°
21:00
S29
-23°
22:00
S29
-23°
23:00
S29
-22°
00:00
S26
-22°
01:00
S26
-22°
02:00
S29
-22°
03:00
S26
-22°
04:00
S26
-22°
05:00
S26
-23°
06:00
S26
-23°
07:00
S26
-23°
08:00
S26
-23°
Энэ мэдээ хуучирсан буюу 2019/07/07 -нд нийтлэгдсэн мэдээ болно.

Эрхүүгээс гараагаа эхэлсэн "Торгоны зам" раллиг үзэх боломжтой Монголын нутаг дэвсгэр дэх 12 цэг

А.Намуун, iKon.mn
2019 оны 7 сарын 7
iKon.MN
Гэрэл зургийг Pixel студио

Улс дамнасан раллинуудын дунд хамгийн томд зүй ёсоор тооцогдох “Торгоны зам” автомашин, мотоциклын холын зайн ралли энэ сарын 6-16-ны өдрүүдэд ОХУ-Монгол-БНХАУ-ыг дамнан зохион байгуулагдах юм.

Тэмцээний албан ёсны нээлт өчигдөр ОХУ-ын Эрхүү хотод болж, Монгол Улсын Ерөнхийлөгчийн Тамгын газрын дарга, “Торгоны зам” авто раллигийн улсын ажлын хэсгийн дарга З.Энхболд оролцлоо.

Тамирчид ийнхүү Эрхүү хотоос гараанаас гарч, энэ сарын 9-ний өдөр Алтанбулаг хилийн боомтоор Монгол Улсын нутагт орж ирэх юм. Улмаар Сэлэнгэ, Дархан, Хөтөл, Төв аймаг, Улаанбаатар, Мандалговь, Даланзадгад маршрутаар уралдаж энэ сарын 13-ны өдөр Гашуун сухайт хилийн боомтоор БНХАУ-руу гарч, уралдаанаа үргэлжлүүлнэ.

Монгол Улсын нутагт дэвсгэрээр уралдах үеэр авто спорт сонирхогч иргэд тэмцээнийг үнэ төлбөргүй үзэж болох бөгөөд Цагдаагийн Ерөнхий газраас дараах байршлуудад тэмцээнийг үзэж сонирхох боломжтой хэмээн үзэгчдийн хэсгийг бэлтгэсэн байна.

“ТОРГОНЫ ЗАМ” РАЛЛИГ ҮЗЭХ БОЛОМЖТОЙ 12 ЦЭГ:

  1. Сэлэнгэ аймаг Сайхан сумын 3 дугаар баг Цахир /1 дүгээр гараа/
  2. Сэлэнгэ аймаг Сайхан сумын /Хөтөл тосгон/ –
  3. Сэлэнгэ аймаг Орхон туул /Төмөр замын 42 дугаар зөрлөг/
  4. Төв аймаг Жаргалант сумын төв
  5. Төв аймаг Баянцогт сум
  6. Төв аймаг Баянцогт сум /жирмийн цагаан нуур 1 дүгээр бариа/
  7. Төв аймаг  /Хөшигийн хөндий 2 дугаар гараа, бариа/
  8. Төв аймаг Бүрэн сумын  төв
  9. Төв аймаг Сэргэлэн сум /Ээж хад/
  10. Дундговь аймаг /Мандалговь/
  11. Дундговь аймаг Цагаан дэлгэр сумын  төв
  12. Өмнөговь аймаг Даланзадгад, Цогтцэций сум.

Мөн Цагдаагийн ерөнхий газраас уралдаан явагдаж буй замын орчимд аль болох хөдөлгөөн үйлдэхгүй байх, замын ойролцоо малаа хариулгагүй орхих, гэр, майхан барихгүй байх, уралдааны аюулгүй байдлыг хангаж буй алба хаагчдын шаардлагыг биелүүлэхийг анхааруулж байгаа юм.

Энэ удаагийн тэмцээнд нийт 40 улсын 97 тамирчин, 54 автомашин, 16 том оврын ачааны автомашин, 24 мотоцикл оролцохоор бүртгүүлсэн нь тэмцээний түүхэн дэх хамгийн өндөр үзүүлэлт болж байгаа юм байна. Тэмцээнд оролцогчдыг дагалдан 394 техник, 1,400 гаруй хүн, 120 улсын сэтгүүлч Монголын хилээр нэвтэрч тэмцээнийг зохион байгуулж, оролцож, сурвалжлахаар мэдүүлжээ.

x