2020/06/03
Америк доллар
МОНГОЛ БАНК:
2,808.78₮
B30
УЛААНБААТАР
21°
|
B30
УЛААНБААТАР
23°
|
B30
УЛААНБААТАР
26°
|
10°
20:00
S30
15°
21:00
S29
13°
22:00
S31
10°
23:00
S31
00:00
S31
01:00
S31
02:00
S31
03:00
S31
04:00
S31
05:00
S29
06:00
S30
07:00
S30
Энэ мэдээ хуучирсан буюу 2019/07/05 -нд нийтлэгдсэн мэдээ болно.

“Wolf of Wall Street” киноны продюсерыг мөнгө угаасан хэргээр Малайзад баривчлав

Р.Төмөр, ikon.mn
2019 оны 7 сарын 5
iKon.MN
Зураг

Малайзын ерөнхий сайд асан Нажиб Разакын дагавар хүү, Холливүүдийн продюсер Риза Азизийг мөнгө угаасан хэргээр өчигдөр баривчилжээ.

Тэрээр Оскарын шагналт жүжигчин Леонардо Ди Каприогийн гол дүрд нь тоглосон “Wolf of Wall Street” киног бүтээж байсан юм.

АНУ-ын прокурорын байгууллага Азизийг Малайзын төрийн сангаас хулгайлсан мөнгөөр студиэ санхүүжүүлснийг тогтоож байжээ.

Түүний Холливүүд дахь кино студи “Red Granite” нь АНУ-ын эрх баригчидтай тохиролцож, киноноос олсон орлогоо буцааж төлсөн байдаг. 

Тиймээс Азиз өөрийгөө буруугүй гэж үзэж байгаагаа мэдэгджээ.

Малайзын хөгжлийн сан 1MDB-ээс $681 саяыг хулгайлсан хэрэгт ерөнхий сайд асан Нажиб Разак буруутгагдаад байгаа.

Түүний гэргий Росмах Мансор мөнгө угаасан, татвараас зугтсан хэрэгт шийтгүүлэхээр болоод байна.

АНУ-ын хууль зүйн яам зөвхөн “Wolf of Wall Street” биш, бас “Red Granite” студийн анхны кинонууд болох “Dumb and Dumber To”, “Daddy’s Home” бүтээлүүдэд сангийн мөнгийг ашигласан гэж үзсэн юм.

Өнгөрсөн тавдугаар сард кинонуудаас олсон орлого болох $57 саяыг хураан авч, Малайзын засгийн газрын дансанд буцаан шилжүүлж байв.

“Wolf of Wall Street” киноны гол дүрээр Алтан бөмбөрцөг наадмын шагналыг авахдаа Леонардо Ди Каприо хамтран ажилласан Риза Азизад талархал илэрхийлж байжээ.

 

Эх сурвалж: BBC

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x