Монгол Улс нэг хүнд ногдох дотоодын нийт бүтээгдэхүүнээрээ (ДНБ) 187 улсаас Шри Ланкийн ард 113-т жагсаж байна.
Олон Улсын Валютын Сангийн жагсаалтаас харвал 113-т жагсаж буй Монгол Улсын нэг хүнд ногдох ДНБ 2018 онд 4,026 ам.доллар гэж тодорхойлжээ.
Тэгвэл энэхүү жагсаалт дахь 187 орны иргэдийн нэг хүнд ногдох дундаж ДНБ дэлхийн хэмжээнд 11,355 ам.доллар байна. Өөрөөр хэлбэл, монгол хүнд ногдох ДНБ дэлхийн дунджаас 2.8 буюу гурав дахин бага байгаа юм.
Үндэсний Статистикийн Хороо "Бүс нутгийн дотоодын нийт бүтээгдэхүүн 2018" тайланг гаргасан байна.
Монгол Улсын ДНБ (оны үнээр) 2018 онд 32.1 их наяд төгрөг болж, өмнөх оноос 15.1 хувиар өссөн тухай мэдээлжээ.
Мөн нэг хүнд ногдох ДНБ улсын хэмжээнд 2018 онд 10.2 сая төгрөг болж, өмнөх оноос 12.9 хувиар нэмэгдсэн тухай дурджээ. Гэхдээ 12.9 хувийн өсөлтөд төгрөгийн ханшийн сулралыг тооцсон эсэх нь тодорхойгүй байна.
10.2 сая төгрөгийг ам.долларын өнөөдрийн албан ханшинд хөрвүүлж бодвол 3.8 мянган доллар болж байна.
Бүсийн түвшинд, нэг хүнд ногдох ДНБ:
Нэг хүнд ногдох ДНБ-ий хэмжээгээр Монголд хамгийн багад тооцогдож буй баруун бүсийн иргэдийн ДНБ дэлхийн 187 орны 145-д жагсах Зимбабве, 146-д жагсах Кот д’Ивуарын дараа орохоор байна.
Баруун бүс гэдэгт:
Монгол Улсын ДНБ-ийг бүрдэлтийг салбараар авч үзвэл:
Дэлгэрэнгүй тайлантай ЭНД дарж танилцах боломжтой.