2020/08/04
Америк доллар
МОНГОЛ БАНК:
2,845.80₮
B30
УЛААНБААТАР
23°
|
11°
B30
УЛААНБААТАР
26°
|
12°
B30
УЛААНБААТАР
25°
|
14°
08:00
S32
12°
09:00
S30
13°
10:00
S30
15°
11:00
S30
17°
12:00
S30
19°
13:00
S30
21°
14:00
S30
22°
15:00
S30
23°
16:00
S30
24°
17:00
S30
24°
18:00
S30
23°
19:00
S30
21°
Энэ мэдээ хуучирсан буюу 2019/06/20 -нд нийтлэгдсэн мэдээ болно.

"Дархан-Уул аймагт байшин шатсны улмаас зургаан хүн амиа алдаж, түлэгдсэн хоёр хүн эмчлүүлж байна"

С.Бадрал, iKon.mn
2019 оны 6 сарын 20
iKon.MN
Зураг
Гэрэл зургийг mpa.mn
эрэмбэлэх:   шинэ нь эхэнд хуучин нь эхэнд

13:31 2019/06/20

Хэргийн талаар ЦЕГ-ын Хэвлэл мэдээллийн төвийн мэргэжилтэн, цагдаагийн ахлах дэслэгч Ө.Лхагвабаяраас тодруулахад "2019 оны зургаадугаар сарын 18-19-нд шилжих шөнө 02:57 цагт Дархан-Уул аймгийн Дархан сумын Малчин багт гал гарсан талаар дуудлага цагдаагийн байгууллагад ирсэн. Дуудлагын дагуу аймгийн цагдаагийн газрын даргаар удирдуулсан шуурхай бүлэг очиж шалгалтыг хийсэн. Гал түймрийн улмаас зургаан хүн амь насаа алдаж, хоёр хүн түлэгдэж аймгийн эмнэлэгт хүргэгдэн, эмчлэгдэж байна.

Эдгээр найман хүн нэг гэр бүлийн хүмүүс бөгөөд эмчлэгдэж буй иргэдийн хувьд 31, 37 настай эмэгтэй. Галын шалтгааныг тогтоохоор холбогдох байгууллагууд ажиллаж байгаа. Одоохондоо энэ талаар мэдээлэл өгөх боломжгүй байна" гэв.

09:48 2019/06/20

Дархан-Уул аймагт байшин шатаж 63 настай хоёр иргэн, 3-6 насны дөрвөн хүүхэд амиа алджээ

Дархан-Уул аймагт байшин шатаж, зургаан иргэн амиа алджээ.

Тодруулбал, Дархан-Уул аймгийн Дархан сумын Малчин багт "байшин, гарааш, автомашин, малын хашаа шатаж байна" гэсэн дуудлага зургаадугаар сарын 19-ний 02:50 цагт онцгой байдлын байгууллагад иржээ.

Тус аймгийн Онцгой байдлын газрын Гал түймэр унтраах, аврах 22 дугаар ангийн 15 алба хаагч гурван автомашинтай 7 км зам туулан 03:00 цагт очиж, 8х5, 4х5 метрийн хэмжээтэй байшин, 2.5х5 метрийн хэмжээтэй граж, ... дугаартай “Портер” загварын автомашин, 4х4, 5х8 метрийн хэмжээтэй малын хашаа тус тус шатаж байсныг дөрвөн цаг ажиллаж, нэмэлтээр тус аймгийн Онцгой байдлын газрын Гал түймэр унтраах, аврах 54 дүгээр ангийн 10 алба хаагч, гурван автомашинтай 03:15 цагт гарч 20 км зам туулан 03:47 цагт очиж 3 цаг 13 минут тус тус ажиллаж унтраасан байна.

Уг гал түймэрт тус багийн харьяат иргэн Б /63 настай, эрэгтэй/, Х /63 настай, эмэгтэй/, Э /6 настай, эрэгтэй/, Г /5 настай, эмэгтэй/, А /5 настай, эмэгтэй/, Э /3 настай, эрэгтэй/ нар өртөж нас барсан тул цогцсыг гаргаж тус аймаг дахь Цагдаагийн газрын жижүүрийн бүрэлдэхүүнд шилжүүлэн өгчээ.  

 

Эх сурвалж: ОБЕГ-ын хоногийн мэдээ

x