2020/05/31
Америк доллар
МОНГОЛ БАНК:
2,805.97₮
B30
УЛААНБААТАР
19°
|
B30
УЛААНБААТАР
20°
|
B30
УЛААНБААТАР
14°
|
18:00
S26
17°
19:00
S26
15°
20:00
S26
14°
21:00
S29
12°
22:00
S29
11°
23:00
S29
00:00
S29
01:00
S29
02:00
S29
03:00
S29
04:00
S29
05:00
S29
Энэ мэдээ хуучирсан буюу 2019/06/18 -нд нийтлэгдсэн мэдээ болно.

Хүнтэй зэрэгцэн амьдарч эхэлсэн цагаасаа хойш нохой нүдний харцаа удирдаж сурсныг эрдэмтэд тогтоожээ

Э.Сэмүүн, ikon.mn
2019 оны 6 сарын 18
iKon.MN
Зураг

Хүний сайн нөхөр гэгддэг нохой эзнийхээ хайр халамжийг хүсэж байгаагаа харцаараа илэрхийлж чаддаг.

Энэ онцгой чадвар нь нохой гэрийн амьтан болсон цагаас эхлэн урт хугацааны хувьслын үр дүнд бий болсон гэж хэсэг эрдэмтэд дүгнэжээ. Судалгааны тайлан Даваа гарагийн “Proceedings of the National Academy of Sciences” сэтгүүлд нийтлэгдсэн байна.

33,000 орчим жилийн өмнө нохой өөрийн өвөг чоноос салж, гэрийн амьтан болсон гэдэг. Эрдэмтэд хүн болон нохой, хүн болон чоно гэсэн хослолын хоорондын харилцаа, сэтгэл хөдлөлийг дүрс бичлэгт буулгаж, нарийвчлан судалсан байна.

Ингэхэд нохойны нүдний орчмын хоёр хэсэг булчин чонотой харьцуулахад маш сайн хөгжсөн байгааг тогтоожээ. 

 

Тухайлбал хүнээр өрөвдүүлэхийн тулд нүдээ томсгож, хүүхдийн мэт гэнэн харц гаргах чадварыг зөвхөн нохой эзэмшсэн байна. Судалгааг АНУ-ын Порстмутын их сургуулийн судлаач Жулиан Камински ахалж, Вашингтоны Ховардын их сургууль, Умард Каролинагийн их сургуулийн эрдэмтэд оролцжээ.

Судалгаанд зөвхөн таван үүлдрийн нохойг оролцуулж, видео туршилтад Стэффордширийн бультерьер үүлдрийн нохдыг голдуу ашигласан нь энэ амьтны хувьслыг бүрэн тайлбарлахад хангалтгүй байж болохыг зарим эрдэмтэд шүүмжилсэн байна.

 

Эх сурвалж: AFP

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x