Хотын дарга хоёр захирамж гаргажээ.
Захирамжид Сүхбаатар дүүргийн наймдугаар хорооны нутаг дэвсгэрт байгаа “Улаанбаатар” зочид буудлын урд талд байрлах 10,800 метр квадрат талбай, МУИС-ийн хичээлийн хоёрдугаар байрны өмнөх 1,200 метр квадрат газрын гэрчилгээг цуцлах тухай дурджээ. Дээрх хоёр газар нь “Улаанбаатар хотын банк” ХХК-ийн эзэмшилд байдаг аж.
Мөн тус нутаг дэвсгэрт байрлах дээрх газруудыг нийтийн эдэлбэрийн зориулалтаар ашиглаж,тохижуулах, хамгаалах арга хэмжээ авч хэрэгжүүлэхийг Улаанбаатар хотын Захирагчийн ажлын алба, Сүхбаатар дүүргийн Засаг дарга нарт даалгасан байна.
ЗАХИРАМЖ:
Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс