2019/10/18
Америк доллар
МОНГОЛ БАНК:
2,676.12₮
B30
УЛААНБААТАР
14°
|
-1°
B30
УЛААНБААТАР
|
B30
УЛААНБААТАР
|
-7°
15:00
S30
15°
16:00
S30
13°
17:00
S30
11°
18:00
S29
19:00
S29
20:00
S29
21:00
S29
22:00
S29
23:00
S26
00:00
S26
01:00
S26
02:00
S26
Энэ мэдээ хуучирсан буюу 2019/06/12 -нд нийтлэгдсэн мэдээ болно.

"Хааны эрэлд 2019" сургуулилалтад АНУ 220 орчим, Монгол Улсын Зэвсэгт Хүчин 900 гаруй хүний бүрэлдэхүүнтэй оролцоно

ikon.mn
2019 оны 6 сарын 12
iKon.MN
Гэрэл зургийг mpa.mn

Таван Толгой дахь Зэвсэгт Хүчний сургалтын нэгдсэн төвд 2019 оны зургаадугаар сарын 14-28-ны хооронд явагдах "Хааны эрэлд 2019" сургуулилалтад Монгол Улсын Зэвсэгт Хүчин болон АНУ-ын Энэтхэг-Номхон далайн Командлалын зүгээс оролцохоо мэдэгдлээ.

Энэ удаагийн "Хааны эрэлд" сургуулилалтад АНУ-аас ойролцоогоор 220, Монгол Улсын Зэвсэгт Хүчнээс 900 гаруй хүний бүрэлдэхүүнтэйгээр оролцох гэж байна.

Монгол Улсын Зэвсэгт Хүчнээс цэргийн хүчний сургуулилалтад оролцуулах урилгыг Австрали, Балба, Бангладеш, Бенин, БНХАУ, БНСУ, Вьетнам, Замби, ИБУИНВУ, Израиль, Индонез, Иордан, Камбож, Канад, Катар, Малайз, Молдав, Перу, Руанда, Сингапур, Того, Уругуай, Фижи, Филиппин, Хорват, Шинэ Зеланд, Шри-Ланк, Эль-Сальвадор, Япон зэрэг оронд явуулжээ.

"Хааны эрэлд" олон улсын сургуулилалт нь АНУ-ын Энэтхэг-Номхон далайн Командлалын хамтарсан дэмжлэгтэйгээр Монгол Улсын Зэвсэгт Хүчин жил бүр уламжлал болгон зохион байгуулдаг бөгөөд бүс нутгийн аюулгүй байдал, энх тайвныг сурталчлах уг хамтарсан сургуулилалт нь энэ онд 17 дахь жилдээ болно.

Сургуулилалтын зорилго нь оролцогчын энхийг дэмжих ажиллагаанд оролцох чадавхийг нэмэгдүүлэх, цэргийн хамтын ажиллагааг хөгжүүлж НҮБ-ын энхийг дэмжих ажиллагааны арга техникүүдийг эзэмшүүлэх зэрэг НҮБ-ын сургалт батламжийг оролцогч зэвсэгт хүчний бие бүрэлдэхүүнүүдэд олгоход чиглэдэг юм гэж Монгол дахь АНУ-ын ЭСЯ-наас мэдээллээ.

x