2020/04/09
Америк доллар
МОНГОЛ БАНК:
2,781.19₮
B30
УЛААНБААТАР
12°
|
-2°
B30
УЛААНБААТАР
14°
|
-1°
B30
УЛААНБААТАР
15°
|
-2°
10:00
S32
11:00
S32
12:00
S32
13:00
S32
14:00
S32
11°
15:00
S32
12°
16:00
S32
13°
17:00
S32
12°
18:00
S32
11°
19:00
S32
20:00
S31
21:00
S31
Энэ мэдээ хуучирсан буюу 2019/06/07 -нд нийтлэгдсэн мэдээ болно.

Д.Сумъяабазар: Багануурын уурхайд шинэчлэл хийнэ. Англи, Канадаас зээл нээх боломжтой гэх хариу өгсөн

Б.Даваабазар, iKon.mn
2019 оны 6 сарын 7
iKon.MN
Багануурын уурхай /Гэрэл зургийг mpa.mn/

Ерөнхий сайд У.Хүрэлсүх болон Засгийн газрын зарим гишүүн, Нийслэлийн удирдлагууд өнөөдөр Багануур дүүрэгт ажиллаж байна. Тэд Багануурын уурхайн үйл ажиллагаатай танилцсан юм. Энэ үеэр Уул уурхай, хүнд үйлдвэрийн сайд Д.Сумъяабазар Багануурын уурхайд шинэчлэл хийх талаар сэтгүүлчдэд мэдээлэл өглөө.

Тэрбээр "Нүүрсээр Улаанбаатар хотыг эрчим хүчээр хангаж байгаа Багануурын уурхайд техникийн бүрэн шинэчлэл хийх цаг нь болсон. Олон улсын байгууллага болох Канад, Английн хөгжлийн агентлаг зэрэг байгууллагуудтай ярилцаж 500 саяас нэг тэрбум долларын зээлийг шийдэж өгөх хүсэлт тавиад явж байна.  

Англи, Канадын зүгээс зээл нээж өгөх боломжтой гэх хариуг өгсөн. Уг санхүүгийн асуудал ойрын хугацаанд шийдэгдвэл олон ажил хийгдэнэ.

Цаашлаад уурхайг шинэчилж, нөөцийг нэмэгдүүлэн үйл ажиллагааг өргөжүүлэхээр зорьж байна. Жилд одоогийн байдлаар олборлодог дөрвөн тонн нүүрсийг долоон сая тоннд хүргэх бүрэн боломж бий гэж харж байна. Энэ боломжийг бий болгохын тулд яам санаачилгатай, идэвх зүтгэлтэй ажиллаж байгаа.

Түүнчлэн ордын тусгай зөвшөөрлийн асуудлын тухайд хамгийн зөв хувилбарыг ярилцаж, ойрын хугацаанд шийднэ" гэв. 

"Багануурын уурхай нь1978 онд байгуулагдсан. Төвийн бүсийн эрчим хүчний 70 хувийг нүүрсээр хангадаг. Тоног төхөөрөмжийн 57% нь ажиллах хугацаанаасаа хэтэрсэн аж.

x