АНУ-ын эдийн засгийн хоригт ороод байгаа Хятадын харилцаа холбооны технологийн Хуавэй компани өчигдөр ОХУ-ын хамгийн том оператор болох МТС компанитай 5G сүлжээ байгуулах гэрээг үзэглэжээ.
БНХАУ-ын дарга Ши Жиньпин, ОХУ-ын ерөнхийлөгч Владимир Путин нарын Москвад хийсэн уулзалтын үеэр энэхүү гэрээг байгуулсан байна.
Гэрээнд зааснаар Хуавэй компани 2019-2020 онд тавдугаар үеийн үүрэн холбооны технологийг танилцуулах эхний шатны ажлыг гүйцэтгэх ажээ.
МТС бол ОХУ-ын үүрэн холбооны зах зээлийн 31 хувийг эзэлдэг, Орос, Украин, Армени, Беларуст нийт 106.5 сая хэрэглэгчтэй томоохон компани юм.
Эх сурвалж: AFP