42 дугаар тойрогт нөхөн сонгууль явуулах тов тогтоосон УИХ-ын тогтоолыг түдгэлзүүллээ
Үндсэн хуулийн цэцийн өнөөдрийн хуралдаанаар 2019 оны хоёрдугаар сарын 2-ны өдөр гаргасан УИХ-ын 22, 23 дугаар тогтоолыг түдгэлзүүллээ. Энэхүү дүгнэлтийг хүлээн авснаас хойш 15 хоногийн дотор хэлэлцэж, хариу ирүүлэхийг УИХ-д уламжилсан тухай Үндсэн хуулийн цэцийн гишүүн Д.Солонго танилцуулав.
Үндсэн хуулийн цэцийн дарга Д.Одбаяр "Сонгуулийн хуулийг цаашид боловсронгуй болгох, үр дүнтэй холбоотой маргаан гаргахгүй байх нөхцөлийг бүрдүүлэх зорилгоор нөхөн сонгуулийг явуулах тухай, сонгуулийн зардлыг улсын төсөвт зохих журмын дагуу суулгаж, шийдэх ёстой хэмээн үзэж Үндсэн хуулийн цэцийн гишүүд нэг байр суурьтайгаар шийдвэрээ гаргасан" хэмээн хэллээ.
УИХ-ын 22, 23 дугаар тогтоолыг түдгэлзүүлснээр 2019 оны зургаадугаар сарын 30-нд явагдах Хэнтий аймгийн 42 дугаар тойргийн УИХ-ын нөхөн сонгууль явагдах эсэх нь эргэлзээтэй болж байна.
Үндсэн хуулийн цэцээс гаргасан дүгнэлтийг УИХ хүлээж авах эсэхээс шалтгаалан нөхөн сонгууль хэзээ явагдах нь шийдэгдэнэ.
Зураг дээр дарж томруулж үзнэ үү,
УИХ-ын 22 дугаар тогтоол:
УИХ-ын 23 дугаар тогтоол:
