2019/09/16
Америк доллар
МОНГОЛ БАНК:
2,670.87₮
B30
УЛААНБААТАР
14°
|
B30
УЛААНБААТАР
21°
|
B30
УЛААНБААТАР
18°
|
01:00
S31
02:00
S31
03:00
S31
04:00
S31
05:00
S31
06:00
S31
07:00
S32
08:00
S32
09:00
S32
10:00
S32
11:00
S32
12:00
S32
Энэ мэдээ хуучирсан буюу 2019/05/24 -нд нийтлэгдсэн мэдээ болно.

Дональд Трамп сүмогийн ордны шалан дээр завилж суух уу, сандал дээр суух уу?

Э.Сэмүүн, ikon.mn
2019 оны 5 сарын 24
iKon.MN

АНУ-ын ерөнхийлөгч Дональд Трамп тавдугаар сарын 25-28-ны өдрүүдэд Японд төрийн айлчлал хийх гэж байна.

Ням гарагт тэрээр Японы уламжлалт соёлын нэг хэсэг болох сүмогийн тэмцээний сүүлийн барилдаануудыг үзэхээр болжээ. Ингэхдээ Трамп анх удаа “Trump Cup” гэж нэрлээд байгаа цомыг түрүүлсэн бөхөд гардуулах юм.

Гэвч Токиогийн Рёгоку Кокугикан ордонд залрах Трампын аюулгүй байдал олон асуудал дагуулж байгаа гэнэ.

Ням гарагт ордонд нэвтрэх хүн бүрийг металл илрүүлэгчээр шалгах ажээ. Үүнээс гадна Трампын суух дэвжээний хажуугийн хэсэгт үзэгчид олбог дээр завилж суудаг. Энэ хэсгийн суудал тус бүр 10,000 иений ($90 орчим) үнэтэй байдаг.

Трамп завилж удаан сууж чадахгүй тул сандал тавих магадлалтай байгааг албаны эх сурвалж мэдээлжээ. Гэвч япончуудын ихэнх нь АНУ-ын ерөнхийлөгчид онцгойлон хандалгүй, ёс жаягийн дагуу олбог дээр завилуулж суулгах ёстой гэж үзэж байгааг хэвлэлүүд мэдээлсэн байна.

Үүнээс гадна бөхчүүд дэвжээний гадна унахдаа үзэгчдийг дарах тохиолдол байдаг. Мөн дээд цолтой бөх өвдөг шороодоход үзэгчид олбогоо дэвжээ рүү шиддэг уламжлал нь Трампын бие хамгаалагчдын хувьд шийдэхэд хэцүү асуудал болж байгаа гэнэ.

Японы Сүмогийн Холбоо, Токио дахь АНУ-ын элчин сайдын яам эдгээр асуудлуудыг яаж шийдэх тухай мэдээлэл өгөхөөс татгалзжээ.

 

Эх сурвалж: Associated Press

 

x