2020/09/24
Америк доллар
МОНГОЛ БАНК:
2,855.05₮
B30
УЛААНБААТАР
20°
|
B30
УЛААНБААТАР
23°
|
B30
УЛААНБААТАР
11°
|
07:00
S30
08:00
S32
09:00
S32
10:00
S30
11:00
S30
12°
12:00
S30
14°
13:00
S30
15°
14:00
S30
16°
15:00
S30
17°
16:00
S26
17°
17:00
S26
17°
18:00
S30
16°
Энэ мэдээ хуучирсан буюу 2019/05/21 -нд нийтлэгдсэн мэдээ болно.

Зеленский тангараг өргөснийхөө дараа Украины парламентыг тарааж, өөрийнх нь хөргийг залахыг хориглов

Р.Төмөр, ikon.mn
2019 оны 5 сарын 21
iKon.MN
Зураг

Өчигдөр буюу Даваа гарагт Украины шинэ ерөнхийлөгч Володимир Зеленский тангараг өргөж, үүрэгт ажилдаа оржээ.

Тангараг өргөснийхөө дараа тэр Украины парламент буюу Верховная Радаг тараах шийдвэрээ зарласан байна. 

Тэр бас өмнөх ерөнхийлөгч Петро Порошенкогийн хүмүүс болох ерөнхий прокурор, батлан хамгаалахын сайд, аюулаас хамгаалах газрын дарга зэрэг өндөр албан тушаалтнуудыг огцрохыг уриалжээ.

Удалгүй эдгээр албан тушаалтнууд огцрох болсноо зарласан бол Украины ерөнхий сайд Володимир Гроисман мөн огцрох шийдвэр гаргасан байна.

Украины парламентын сонгууль аравдугаар сарын 27-нд болох товтой байгаа. Зеленский парламентыг хугацаанаас нь өмнө тарааснаар ээлжит бус сонгууль явагдах болж байна.

Зеленский бас хэлсэн үгэндээ “Миний хамгийн түрүүнд хийх ажил бол Донбаст дайны галыг зогсоох юм. Бид энэ дайныг эхлүүлээгүй ч дуусгах эсэх нь биднээс хамаарна” гэжээ.

Тэр бас төрийн албан хаагчдад ажлынхаа өрөөний хананд өөрийнх нь хөргийг залахгүй байх, оронд нь хүүхдүүдийнхээ зургийг өлгөхийг уриалсан байна.

“Хүүхдүүдийнхээ зургийг хананд өлгөөд шийдвэр гаргах бүртээ тэдний нүд рүү харж бай” гэж Зеленский төрийн албан хаагчдад зөвлөжээ.

Үүнээс гадна Зеленский дэлхий даяар тархан амьдарч байгаа украин гаралтай хүмүүст иргэний харьяалал олгож, тэдний мэдлэг туршлагыг Украин улсын хөгжилд ашиглах хүсэлтэйгээ мэдэгдсэн байна.

Хэлсэн үгийнхээ эцэст тэр “Өнөөдрийг хүртэл бүх амьдралаа би Украинчуудыг инээлгэхэд зориулсан. Ирэх таван жилийн хугацаанд би Украинчуудыг уйлуулахгүйн төлөө бүхнийг хийнэ. Украины алдар бадраг!” гэж мэдэгджээ.

 

Эх сурвалж: Reuters

 

x