Галт тэрэг, машин мөргөлдөж хоёр хүн нас барсан ноцтой осол өчигдөр орой гарчээ.
"Өчигдөр буюу 5 дугаар сарын 16-ны 21:36 цагт Сонгинохайрхан дүүргийн 21 дүгээр хороонд вагон машин мөргөлдсөн байна гэсэн мэдээллийг авч Тээврийн цагдаагийн албаны Төмөр зам дахь цагдаагийн газрын жижүүрийн бүрэлдэхүүн хэргийн газарт очсон.
Сонгинохайрхан дүүргийн 21 дүгээр хороо Жаргалант тосгон Рашаант хэсэг төмөр замын 352 дугаар километрийн 9 дүгээр зуутын гармаар суудлын 263 дугаар галт тэрэг явах үед мөнгөлөг өнгийн автомашинтай мөргөлдөж суудлын авто машинд байсан хоёр иргэн газар дээрээ нас барсан осол гарсан.
Хэргийн шалгалтын ажиллагаа үргэлжилж байна" гэж цагдаагийн байгууллагаас мэдээллээ.
Эх сурвалж: ЦЕГ