2020/05/30
Америк доллар
МОНГОЛ БАНК:
2,805.97₮
B30
УЛААНБААТАР
11°
|
B30
УЛААНБААТАР
19°
|
B30
УЛААНБААТАР
18°
|
22:00
S29
23:00
S31
00:00
S31
01:00
S31
02:00
S31
03:00
S31
04:00
S31
05:00
S29
06:00
S30
07:00
S30
08:00
S30
09:00
S30
Энэ мэдээ хуучирсан буюу 2019/05/07 -нд нийтлэгдсэн мэдээ болно.

“Wolf of Wall Street” киноны хууль бус орлогыг АНУ-аас Малайзад шилжүүлжээ

Э.Сэмүүн, ikon.mn
2019 оны 5 сарын 7
iKon.MN
Зураг

Малайзийн засгийн газар тус улсын хөгжлийн сан 1MDB-ээс өмнөх засгийн үед алдагдсан $4.5 тэрбумын хөрөнгийг эрэн сурвалжилж, зарим хэсгийг нь олж аваад байгаа билээ.

Өнөөдөр тус улсын эрх баригчид сангийн алдагдсан хөрөнгийн нэг хэсэг болох $57 саяыг АНУ-аас шилжүүлж авсныг зарлажээ.

Энэ мөнгө нь Холливүүдийн “Wolf of Wall Street” киноны орлого юм. Уг киног бүтээсэн Red Granite Pictures студийг Малайзийн өмнөх ерөнхий сайд Нажиб Разакын дагавар хүү Риза Азиз үүсгэн байгуулцахдаа 1MDB сангийн хөрөнгөнөөс ашигласан юм байна.

Одоо АНУ-ын хууль зүйн яам дахин $139 саяыг Малайзад буцааж өгөхөөр бэлдэж байгаа юм. Энэ нь 1MDB сангийн гол санхүүч байсан Жо Лоугийн Манхэттэн дахь үл хөрөнгөтэй холбоотой ажээ. Үл хөдлөх хөрөнгийг борлуулсны дараа орлогыг нь Малайзад шилжүүлэхээр хүлээгдэж байгаа гэнэ.

2018 оны тавдугаар сард эрх баригч нам ялагдсаны дараа 1MDB сангийн алдагдсан хөрөнгөний дуулиан дэгдэж эхэлснээс хойш нийт $322 саяыг нь буцаан олж аваад байгааг Малайзийн Ерөнхий Прокурорын газар өнөөдөр мэдээлжээ.

Мөн $37 саяын алдагдсан хөрөнгийг Малайз руу шилжүүлэх шийдвэрийг Сингапурын шүүх гаргаад байгааг мэдээлсэн байна.

“Алдагдсан хөрөнгийг буцааж олох ажил АНУ, Сингапурын эрх баригчдын дэмжлэггүйгээр бүтэх боломжгүй. Тиймээс бид эдгээр улсуудын засгийн газарт талархал илэрхийлж байна. 1MDB сангийн хөрөнгийг олж авах ажиллагаа дэлхий даяар өрнөж байна. Малайзийн засгийн газар ойрын үед илүү их хэмжээний хөрөнгийг олж авч чадна гэдэгтээ итгэлтэй байна” хэмээн Малайзийн Ерөнхий Прокурорын газар мэдэгдэлдээ дурджээ.

 

Эх сурвалж: Reuters

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x