2020/05/27
Америк доллар
МОНГОЛ БАНК:
2,805.41₮
B30
УЛААНБААТАР
26°
|
B30
УЛААНБААТАР
22°
|
11°
B30
УЛААНБААТАР
|
04:00
S31
05:00
S31
06:00
S32
07:00
S32
10°
08:00
S30
13°
09:00
S30
15°
10:00
S30
18°
11:00
S26
20°
12:00
S26
21°
13:00
S30
22°
14:00
S30
23°
15:00
S30
24°
Энэ мэдээ хуучирсан буюу 2019/05/02 -нд нийтлэгдсэн мэдээ болно.

Британийн Ерөнхий сайд Хуавэй компанийн тухай нууц мэдээллийг задруулсан сайдаа огцруулав

Э.Сэмүүн, ikon.mn
2019 оны 5 сарын 2
iKon.MN
Зураг
Тереза Мэй, Гэвин Уилльямсон нар

Британийн Ерөнхий сайд Тереза Мэй өчигдөр батлан хамгаалахын сайд Гэвин Уилльямсоныг засгийн газрын нууц төлөвлөгөөг задруулсан шалтгаанаар огцруулсан байна.

Өнгөрсөн долоо хоногт Их Британи улс 5G технологид шилжихдээ Хятадын Хуавэй компаниас “үндсэн бус” тоног төхөөрөмжүүдийг авч ашиглахыг зөвшөөрөх гэж байгаа тухай мэдээ хэвлэлүүдээр тарсан юм.

Уг төлөвлөгөөг мэдээлэл тарахын өмнөхөн Британийн Үндэсний Аюулгүй Байдлын Зөвлөлийн хаалттай хуралдаан дээр хэлэлцсэн байжээ.

Нууц мэдээлэл хэрхэн хэвлэлийнхэнд хүрснийг мөрдөн шалгаад ерөнхий сайд Тереза Мэй гол буруутнаар батлан хамгаалахын сайдаа тодруулсан байна.

Уилльямсонд бичсэн захидалдаа Мэй “асуудлыг илэн далангүй хэлэлцэж, шийдвэр гаргахад сайд нартаа итгэх итгэл чухал” гээд итгэл даалгүй мэдээлэл задруулсан өөрийг нь буруутгажээ.

Харин Уилльямсон өөрийг нь мэдээлэл задруулсанд буруутгасныг хүлээн зөвшөөрөхгүй байгаагаа хариу мэдэгдсэн байна.

5G технологийн дэлхийн хамгийн том нийлүүлэгч болоод байгаа Хятадын Хуавэй компанийг тойрсон маргаан АНУ тэргүүтэй өрнөдийн орнуудын дунд үргэлжилсээр байна.

Вашингтон ирээдүйн технологийн дэд бүтэцдээ Хуавэй компанийн тоног төхөөрөмжийг ашигласан холбоотон улс орнуудтай тагнуулын мэдээлэл хуваалцахаа зогсооно гэж сүрдүүлээд байгаа.

АНУ-ын эрх баригчид Хуавэйг бүтээгдэхүүндээ тагнуулын систем нэвтрүүлж, Хятадын засгийн газарт ашиглуулдаг хэмээн сэжиглэдэг юм.

 

Эх сурвалж: Engadget

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x