“Босоо хөх Монгол”, Нэхүүл болон “МАНАН дэглэмийн эсрэг монгол түмний нэгдэл” ТББ-ууд нэгдэн Авлигатай тэмцэх газрын дарга Х.Энхжаргалыг огцруулахыг шаардлаа.
Тэд АТГ-ын гадаа очиж шаардах бичгээ Тамгын хэлтсийн дарга З.Баасаннямд гардуулж өгөв.
Энэ талаар "Томоохон хууль хяналтын байгууллагын удирдлагууд солигдож байхад энэ хүн ганцаараа өөрчлөгдөхгүй гээд сууж байна. АТГ-ын даргаар ажиллах хуулийн хугацаа нь дууссан. Шаардлагын хариуг 24 цагийн дотор өгөхийг шаардаж байна" хэмээн Нэгдсэн Монгол ТББ-ын тэргүүн Ч.Мөнхбаяр ярилаа.