Банкны салбар эрүүл саруул байх нь эдийн засагт хамгийн чухал. Эдийн засгийн тогтвортой өсөлтөд санхүүгийн салбарын тогтвортой байдал маш чухал гэдгийг Дэлхийн банкны Монгол дахь суурин төлөөлөгч Андрей Михнев, ахлах эдийн засагч Жийн-Паскаль Н.Нгану нар дахин дахин онцгойлон сануулав. Эдийн засгийн эерэг үзүүлэлттэй энэ таатай үед банкны салбар эдийн засгаа доош чангааж болохгүй учраас банкуудыг дахин хөрөнгөжүүлж, салбарыг эрүүл болгох нь цаашид Монгол Улсын эдийн засгийн тогтвортой өсөлтийн гол хөшүүрэг болно гэв.
Монгол Улсын эдийн засаг 2019 онд 7.2%-ийн өсөлттэй байна хэмээн Дэлхийн банк урьдчилан таамаглажээ. Сонгуулийн өмнөх жилийн төсвийг улс төрөөс хараат бус байлгахын тулд төсвийн бодлогын сахилга батаа 2018 оны хэмжээнд үргэлжлүүлэх хэрэгтэйг ч зөвлөв. Ингэж чадвал Дэлхийн банкны дээрх өөдрөг төсөөлөл биеллээ олох боломжтой гэдгийг Андрей Михнев өнөөдөр Дэлхийн банкнаас Зүүн Ази, Номхон далайн бүс нутгийн эдийн засгийн өсөлтийн талаарх урьдчилсан төлөвийг танилцуулах үеэр тодотголоо.
Монгол Улсын хувьд 2018 онд эдийн засгийн эерэг үзүүлэлттэй жил байсан бол хэтийн төлөвийн хувьд:
Эрсдлийн хувьд хамгийн түрүүнд 2020 оны сонгуультай холбоотой улс төрийн тогтворгүй байдлыг нэрлэв.
Энэ бүхнийг төсвийн бодлогын сахилга батаа тууштай хадгалж, улс төрийн нөлөөнөөс ангид байлгаснаар даван туулах бөгөөд ирэх 4-5 жилд хүлээгдэж буй Монгол Улсын 14 тэрбум ам.долларын өрийг хүндрэлгүй төлөх боломжтой гэдгийг санууллаа.