2019/10/15
Америк доллар
МОНГОЛ БАНК:
2,670.53₮
B30
УЛААНБААТАР
10°
|
-6°
B30
УЛААНБААТАР
12°
|
-4°
B30
УЛААНБААТАР
12°
|
-3°
14:00
S32
15:00
S32
16:00
S32
17:00
S32
18:00
S32
19:00
S31
20:00
S31
21:00
S31
-2°
22:00
S31
-2°
23:00
S31
-3°
00:00
S31
-3°
01:00
S31
-4°
Энэ мэдээ хуучирсан буюу 2019/04/18 -нд нийтлэгдсэн мэдээ болно.

Умард Солонгос тактикийн шинэ зэвсэг туршжээ

Э.Сэмүүн, ikon.mn
2019 оны 4 сарын 18
iKon.MN

Умард Солонгос өчигдөр “тактикийн шинэ зэвсэг” туршсан тухай тус улсын төрийн төв хэвлэл мэдээлжээ.

АНУ-тай хийж буй цөмийн зэвсгийн яриа хэлэлцээр нь мухардалд орсонд сэтгэл ханамжгүй байгаагаа Пёньяны удирдагч ийнхүү илэрхийлж буй бололтой.

Лхагва гарагт Батлан Хамгаалахын Академид зочилсон Ким Жон Ун зэвсгийн туршилтыг ажигласан тухай Солонгосын Төв Мэдээллийн Агентлаг уламжилжээ.

“Ардын армийн байлдах хүч чадлыг нэмэгдүүлэхэд шинэ зэвсгийн хөгжүүлэлт жинтэй хувь нэмэр оруулж байгаа”-г Ким Жон Ун энэ үеэр сайшаан хэлсэн гэнэ.

Дээрх мэдээлэлд туршсан зэвсэг нь яг ямар төрлийнх байсан талаар огт дурдаагүй байна. “Тактикийн зэвсэг” гэж тодорхойлсон нь ойрын зайн тусгалтай зэвсэг болохыг харуулж байгаа юм.

Шинэ зэвсгээ зөвхөн “нислэгээ залуурдах онцгой чадвартай”, “хүчирхэг цэнэгт хошуутай” гэж тодорхойлжээ.

Өнгөрсөн хоёрдугаар сард Вьетнамын Ханойд болсон АНУ-БНАСАУ-ын дээд хэмжээний хоёр дахь уулзалтаас хойш Пёньян анх удаа олон нийтийн нүдэн дээр зэвсэг туршсан нь энэ юм.

Умард Солонгос 2017 онд дараалан пуужин, цөмийн зэвсгийн туршилтуудыг хийснийхээ дараа АНУ-тай хэлэлцээр хийхээр түр завсарлаад байгаа. Энэ хугацаанд алсын тусгалын зэвсэг огт туршаагүй байна.

 

Эх сурвалж: Associated Press

 

x