ФОТО: Монгол залуус "Мөсөн өргөө"-тэй болох эхлэл
Дэлхийн стандартад нийцсэн иж бүрэн цогцолбор "Мөсөн өргөө" спортын ордныг Шинэ Яармаг хороололд барихаар шавыг нь тавиад байна.
Тус ордон нь 2,600 хүний суудалтай бөгөөд урлаг, уран сайхны тоглолтод зориулсан дуу авиа, гэрэлтүүлгийн орчин цагийн шаардлагад нийцсэн иж бүрэн төхөөрөмжөөр тоноглогдох юм байна.
Энэхүү ордон нь олимпын стандартаар буюу 60х30 хэмжээтэй, 12.7 мянган м.кв талбайтай байх бөгөөд 15 сая ам.долларын өртөгтэй. Барилга угсралтын ажил 2020 оны 7 дугаар сард дуусах юм.
Шинэ ордонд 2020 оны наймдугаар сард болох “Азийн хүүхдүүд” олон улсын хүүхдийн спортын их наадмын уран сайхны гимнастик, ширээний теннис, таэквондогийн тэмцээнийг зохион байгуулахаар төлөвлөжээ.
"Мөсөн өргөө" спортын ордны шав тавих ёслолоос хийсэн фото сурвалжилгыг хүргэж байна.
