2020/09/25
Америк доллар
МОНГОЛ БАНК:
2,854.47₮
B30
УЛААНБААТАР
23°
|
B30
УЛААНБААТАР
11°
|
B30
УЛААНБААТАР
11°
|
02:00
S29
03:00
S29
04:00
S31
05:00
S31
06:00
S29
07:00
S30
08:00
S30
09:00
S30
10°
10:00
S26
13°
11:00
S26
16°
12:00
S26
18°
13:00
S26
19°
Энэ мэдээ хуучирсан буюу 2019/04/15 -нд нийтлэгдсэн мэдээ болно.

Пакистаны хазарууд эсэргүүцлийн суулт хийж байна

Р.Төмөр, ikon.mn
2019 оны 4 сарын 15
iKon.MN
Зураг

Исламын шашны шийт номлолыг дагагч хазар угсаатны эсрэг террорист халдлага гарсны дараа Пакистаны баруун өмнөд Куэтта хотод тэдний эсэргүүцлийн суулт гурав дахь өдрөө үргэлжилж байна.

Дөрөвдүгээр сарын 12-ны өдөр Куэтта хотын зах дээр амиа золиослогч бөмбөг дэлбэлснээр 20 хүн алагдаж, 48 хүн шархдсан юм. Уг халдлагыг үйлдсэнээ Пакистаны Талибууд, Исламын Улс бүлэглэл аль аль нь хүлээн зөвшөөрсөн юм. Алагдсан хүмүүсийн найм нь хазар хүмүүс байсныг албаныхан мэдээлж байна.

Өчигдөр буюу Ням гарагт 200 орчим хазар иргэд Куэтта хотын гол замыг хааж “Хазаруудын эсрэг аллагыг зогсоо!”, “Терроризм, шашнаар ялгаварлах үзлийг зогсоо!” гэсэн уриаг хэлж байжээ.

Пакистаны өмнөд бүсийн Карачи хотод мөн хэдэн арван хазар иргэд эсэргүүцлийн суулт зохион байгуулсан байна. 

Пакистан болон Афганистанд Исламын сунит номлолыг дагагч зэвсэгт бүлэглэлүүд хазар угсаатны эсрэг халдлагыг байнга үйлддэг. Балочистан мужийн төв Куэттад цугларсан хазарууд шаардлагыг биелүүлж, аюулгүй байдлыг сайжруулах арга хэмжээ авах хүртэл тэмцлээ зогсоохгүй гэж мэдэгджээ.

Куэтта хотын 2.3 сая оршин суугчийн 500,000 орчим нь хазарууд бөгөөд Пакистан дахь хазаруудын хамгийн олноор суудаг хот юм.

Олон улсын хүний эрхийн Эмнести Интернэшнл байгууллага дөрөвдүгээр сарын 12-ны халдлагыг хазар угсаатны эсрэг сүүлийн жилүүдэд гарсан олон аллагын “эмгэнэлт сануулга” гэж мэдэгдэлдээ тодорхойлсон байна.

 

Эх сурвалж: Reuters

 

x