2019/09/21
Америк доллар
МОНГОЛ БАНК:
2,667.91₮
B30
УЛААНБААТАР
22°
|
B30
УЛААНБААТАР
23°
|
B30
УЛААНБААТАР
25°
|
11°
23:00
S31
00:00
S31
01:00
S31
02:00
S31
03:00
S31
04:00
S31
05:00
S31
06:00
S31
07:00
S32
08:00
S32
09:00
S32
10°
10:00
S32
15°
Энэ мэдээ хуучирсан буюу 2019/04/11 -нд нийтлэгдсэн мэдээ болно.

Brexit-ийг Халлоуины баярыг хүртэл хойшлууллаа

Р.Төмөр, ikon.mn
2019 оны 4 сарын 11
iKon.MN

Брюссельд болсон шуурхай хуралдааны үр дүнд Британий ерөнхий сайд Тереза Мэй болон Европын Холбооны удирдлагууд Brexit-ийг аравдугаар сарын 31-нд болгон хойшлуулахаар тохиролцлоо.

Европын Зөвлөлийн ерөнхийлөгч Дональд Туск “Британий эрх баригчдад Европын Холбооноос гарах хамгийн сайн шийдэл олоход нь зориулж зургаан сарын нэмэлт хугацаа олголоо” гэж мэдэгджээ.

Уг нь Британийг Европын Холбооноос гаргах хугацаа гуравдугаар сарын 29 байсан ч ерөнхий сайд Тереза Мэй өөрийн гэрээний хувилбарыг парламентаараа дэмжүүлж чадаагүй тул хойшлох нь тодорхой болоод байв. Түүний хэлэлцүүлсэн гэрээний нөхцлийг Британий парламентын гишүүдийн олонх дэмжээгүй тул нийтдээ гурван удаа буцаагаад байгаа юм.

Евро Комиссийн ерөнхийлөгч Жан Клод Юнкер гэрээ байгуулахгүйгээр Британийг гишүүнээсээ хасах нь “сүйрэл” болно гэж үзэж байгаагаа илэрхийлээд Брюсселийн эрх баригчид гэрээг байгуулахын тулд чадах бүхнээ хийхийг амлажээ. Brexit-ийн дараах Британи улс болон Европын Холбооны улс төр, эдийн засгийн харилцааг зохицуулах гэрээ талуудын хувьд чухал ач холбогдолтой юм.

Тереза Мэй Brexit-ийг зургаадугаар сарын 30-ныг хүртэл хойшлуулах саналыг Брюссельд тавиад байв. Гэвч Европын Холбооны удирдлагууд Британичуудад илүү уян хатан нөхцөл олгохын тулд санал болгосон хугацааг нь хоёр дахин уртасгахаар шийджээ. Тереза Мэй парламенттайгаа тохиролцож чадвал заасан хугацаанаас өмнө Brexit-ийг хэрэгжүүлэх боломж нээлттэй юм байна.

 

Эх сурвалж: Associated Press

 

x