2019/08/25
Америк доллар
МОНГОЛ БАНК:
2,671.55₮
B30
УЛААНБААТАР
18°
|
12°
B30
УЛААНБААТАР
17°
|
B30
УЛААНБААТАР
19°
|
21:00
S29
14°
22:00
S31
11°
23:00
S31
00:00
S31
01:00
S31
02:00
S31
03:00
S31
04:00
S31
05:00
S31
06:00
S31
07:00
S32
08:00
S32
Энэ мэдээ хуучирсан буюу 2019/04/02 -нд нийтлэгдсэн мэдээ болно.

Тоёота компани бүтээсэн сагсчин роботынхоо ур чадварыг танилцуулжээ

Р.Түвшин, iKon.mn
2019 оны 4 сарын 2
iKon.MN

Японы Тоёота компани Cue3 нэртэй, 208 см өндөр сагсчин робот зохион бүтээсэн бөгөөд үүнийхээ ур чадварыг өчигдөр нийтэд үзүүлжээ.

Бөмбөгийг цагирганд оновчтой шидэж оруулах зориулалттай энэхүү робот харин гүйж, хуурч, үсрэх зэрэг бусад үйлдлийг хийж чаддагүй юм.

Өчигдөр үзүүлсэн туршилтын үеэр Cue3 гурван онооны бүсээс бөмбөгийг найман удаа шидсэнээс тавыг нь оруулж чаджээ.

Тоёотагийн мэргэжилтнүүд энэ үр дүнг дунджаас доогуур байгааг хэлсэн байна. Энэ нь 62.5 хувийн амжилттайгаар гурван онооны шидэлтийг гүйцэтгэсэн гэсэн үг юм.

Харьцуулбал NBA-гийн нэг улирлын хугацаанд тогтоосон гурван онооны шидэлтийн дээд амжилтыг 53.6 хувьтайгаар Кайли Корвер эзэмшдэг. 

NBA-гийн шилдэг мэргэн буучид тооцогддог, хоёр удаагийн MVP шагналтай Стивен Карри л гэхэд 43.6 хувийн үр дүнтэй байдаг юм.

Өнгөрсөн онд Cue роботын анхны загвар Японы дээд лигийн Токио Алваркс багийн хоёр тамирчинтай гурван онооны шидэлтээр өрсөлдөөд ялж байжээ.

Cue3 роботыг сагсан бөмбөгийн универсаль тоглогч болгохын тулд дахин 20 жилийн хугацаа хэрэгтэйг Тоёотагийн инженерүүд хэлсэн байна. Тэр үед робот нь гүйж, үсэрч, харайж, цагирагт тохдог болж, жинхнээсээ тамирчдыг орлох боломжтой болох ажээ.

Эх сурвалж: Business Insider

 

x