Жава хөгжүүлэгчийн ахисан түвшний сургалтад тэтгэлэгтэй хамрагдсан залуус сертификатаа авав

Нийслэлийн Залуучуудын хөгжлийн газар, “Эм Кэй Ай Ти” сургалтын төвтэй хамтран 2018 оны 11 дүгээр сараас эхлүүлсэн Жава хөгжүүлэгчийн ахисан түвшний 4 сарын хугацаатай сургалтад амжилттай хамрагдсан 12 залуу сар бүр 220,000 төгрөгний тэтгэлгээр суралцсан юм.

Тэд сургалтаа амжилттай төгсөж, өнөөдөр сертификатаа гардан авч, ажлын байранд шууд холбогдлоо.

Тус сургалтыг БНСУ-ын Олон улсын хамтын ажиллагааны байгууллага “КОИКА”-ийн санхүүжилттэй төслийн гүйцэтгэгч “Эм Кэй Ай Ти” сургалтын төвтэй хамтран зохион байгуулдаг.

Компьютерийн үндсэн хэрэглээ, фотошоп программын сургалт, мэдээллийн технологийн чиглэлийн 8 төрлийн нарийн мэргэжлийн сургалтыг үнэ төлбөргүй зохион байгуулж байгаа аж.

Эх сурвалж: Нийслэлийн Залуучуудын хөгжлийн  газар