2019/10/19
Америк доллар
МОНГОЛ БАНК:
2,679.03₮
B30
УЛААНБААТАР
|
B30
УЛААНБААТАР
|
-7°
B30
УЛААНБААТАР
|
-5°
13:00
S20
14:00
S20
15:00
S20
16:00
S20
17:00
S20
18:00
S20
19:00
S20
-1°
20:00
S20
-1°
21:00
S29
-2°
22:00
S29
-2°
23:00
S29
-2°
00:00
S29
-3°
Энэ мэдээ хуучирсан буюу 2019/03/07 -нд нийтлэгдсэн мэдээ болно.

"Эрдэнэт 100 хувь удирдлагын асуудалтай болсон учир онцгой дэглэм тогтоох нь зөв гэж Ерөнхийлөгч үзэж байгаа"

Б.МАНЛАЙ, IKON.MN
2019 оны 3 сарын 7
iKon.MN
Гэрэл зургийг mpa.mn

Ерөнхийлөгчийн Тамгын Газрын дарга З.Энхболд УИХ-ын чуулганы танхимын үүдэнд цаг үеийн асуудлаар мэдээлэл хийж байна.

ШУУД ҮЗЭХ:

https://www.facebook.com/iKonNews/videos/349183259023225/

Тэрбээр эхлээд Ерөнхийлөгчийн зүгээс УИХ-ын ээлжит бус чуулганаар хэлэлцэх асуудлын жагсаалтад оруулах асуудлуудын талаар мэдээлэл өглөө.

"УИХ-ын ээлжит бус чуулганаар бүрэн эрхийн хугацаа нь дуусгавар болсон Авлигатай Тэмцэх Газрын дарга, дэд даргыг чөлөөлж, оронд нь н.Даваа-Очир, н.Батсайхан гэдэг хоёр хүний нэрийг дэвшүүлсэн.

Зэвсэгт хүчний Жанжин штабын даргад А.Ганбат генералын нэрийг оруулсан байгаагаа үргэлжлүүлэн хэлэлцэнэ.

Улсын ерөнхий прокурорын орлогч Г.Эрдэнэбатын хугацаа нэгдүгээр сард дууссан. Түүний оронд бас нэг прокурорын нэрийг дэвшүүлж бичгээ УИХ-ын Тамгын газарт явуулаад, хариугаа авсан. Хэлэлцэх асуудалд багтсан" гэв.

Үргэлжлүүлэн сэтгүүлчдийн асуултад хариуллаа.

- Жанжин штабын харьяанд байдаг цэргийн ангиудад удаа дараа цэрэг, алба хаагч амиа алдсан хэрэг гарлаа. Үүнд хэн хариуцлага хүлээх вэ?

- Жанжин штабын ажил хэвийн явж байгаа. Орлогч нар ажлаа хийж байгаа. Цэргийн ангид гарсан харамсалтай хэргийн талаар Жанжин штабаас мэдээлэл өгсөн. Ер нь бол нэг байгууллага ийм удаан хугацаагаар даргагүй байж болохгүй.

-Эрдэнэт үйлдвэрт онцгой дэглэм тогтоох Засгийн газрын шийдвэрийг Ерөнхийлөгч дэмжиж байгаа юу?

-Эрдэнэтийн 49, 51 хувь гэхгүй Эрдэнэт үйлдвэр 100 хувь удирдлагын асуудалтай байгаа учраас Ерөнхийлөгчийн зүгээс тус үйлдвэрт онцгой дэглэм тогтоохыг дэмжиж байгаа.

Үндэсний Аюулгүй байдлын зөвлөл өнгөрсөн долоо хоногт хуралдаж, эдийн засгийн аюулгүй байдалд аюул занал учруулж байгаа томоохон үйлдвэрүүдэд онцгой дэглэм тогтоож болох талаарх чиглэлийг УИХ, Засгийн газарт өгсөн.

Мөн ҮАБЗ Сайншандын төмөр замын ажлыг энэ хавар эхлүүлэх шийдвэрт хүрсэн. Үүнийг ЭТТ-н ашгаар тавина. Төр 85 хувийн ашгаа авч төмөр зам тавих гэж байгаа учраас иргэд ногдол ашгаа заавал авах нөхцөл бүрдсэн.

- 49 хувийг дотоодын компани худалдаж авах үед та УИХ-ын дарга байсан. Та уг хэрэгт холбоотой юу?

- 49 хувийг надад мэдэгдэхгүйгээр, хулгайгаар нууцаар тэр компанид өгсөн. Уг нь би УИХ-ыг төлөөлж байсан. 49 хувийг хувийн компани авч болохгүй гэж би үзэхгүй байгаа. УИХ-аас асуугаад гишүүдийн олонх дэмжээд ямар ч хувийн компани авч болох байсан. Тиймээс үүнд миний оролцоо байхгүй.

Хууль бусаар зээл олгосон гээд байгаа. Үүнд Н.Золжаргал тайлбар өгөх ёстой.

- Орд газруудыг улс өөрийн мэдэлд авах асуудалд ҮАБЗ байр сууриа нэгтгэсэн үү?

- 400 гаруй ордыг улс нээчихсэн байхад нээгээгүй мэтээр зальдаад 400 гаруй ордод дахин хувийн компанид хайгуулын лиценз өгсөн байна.

ҮАБЗ-ийн хурал дээр аливаа орд бол улсын өмч гэдэг шийдэлд хүрсэн. Н.Номтойбаяр Цагаансуварга дээр уурхай бариад хөрөнгө оруулалт хийчихсэн гээд байгаа. Орд улсынх, уурхай Номтойбаярынх. Тиймээс улс баялагаа авахын тулд Номтойбаяртай баялагийг маань гаргаад өг. Төлбөрийг нь төр төлнө гэх агуулгатай гэрээ байгуулна. Түүнээс биш төр Номтойбаярын хөрөнгө оруулалтыг төлөхгүй.

x